POP 5

Lajmet më të lexuara të 5 minutave të fundit

Politikë

“Zyrat e deputetëve”, Byroja 
nuk arrin të marrë vendim

Byroja e Kuvendit diskutoi dje mbi 3 projektet për hapjen e zyrave të deputetëve nëpër zonat zgjedhore. Propozimet kërkojnë zyra të njëjta brenda koalicionit, palët hezitojnë. 
TIRANE- Byroja e Kuvendit diskutoi dje mbi 3 projektet për hapjen e zyrave të deputetëve nëpër zonat zgjedhore. Në bazë të një projekti të OSBE-së, çdo zonë zgjedhore duhet që të ketë një zyrë për deputetët pasi ata janë të zgjedhur nga populli. Sekretarja e Përgjithshme e Kuvendit, Albana Shtylla, paraqiti tri variantet për hapjen e këtyre zyrave sipas “Studimit të fizibilitetit për ngritjen e zyrave në zonat zgjedhore në Shqipëri”, të realizuar me mbështetjen e OSBE-së.

Propozimet konsistonin në: 12 zyra sipas qarqeve; 37 zyra për mazhorancën dhe 37 zyra për opozitën në 12 qarqe, si dhe hapjen e zyrave në bazë rrethi, ose 72 zyra në 36 rrethe. Sipas Shtyllës, synimi është që të hapen zyra me sa më pak shpenzime me qëllim që, Kuvendi i Shqipërisë të shkojë më pranë zgjedhësve. Anëtarët e Byrosë ndanë mendime mbi përparësitë e variantit të tretë dhe për këtë çështje në vijim do i kërkohet mendim grupeve parlamentare.

Debati
Pavarësisht se mbledhja është zhvilluar me dyer të mbyllura, mësohet se ndërmjet palëve është parë një hezitim përsa i përket miratimit të vendimit për ngritjen e zyrave të deputetëve. Kjo pasi propozimet konsistonin që partitë brenda mazhorancës të kishin një zyrë të përbashkët deputeti. Kjo gjë nuk i ka shkuar shumë përshtat deputetëve të të dyja palëve, pasi diskutimet me militantët e tyre duan që t’i bëjnë në mënyrë “sekrete”. Pra deputeti i Partisë Demokratike nuk kërkon që bisedimet me militantët t’i bëj në prani të deputetit të Partisë Republikane apo të PDIU-së.

Por kjo mosmarrëveshje është edhe më e spikatur tek mazhoranca. Kjo pasi LSI ka një numër të madhe deputetësh të shpërndarë në 6 qarqe të vendit, pra do të ndajë zyrat elektorale në gjysmën e zonave zgjedhore në vend. Kësisoj, kjo gjë nuk i ka shkuar përshtat të dyja palëve pasi secila parti kërkon privatësinë e saj në diskutimet me militantët. Kësisoj është vendosur që këtë çështje anëtarët e Byros ta zgjidhin nëpërmjet mendimeve të grupeve parlamentare pasi dakordësia në mbledhjen e djeshme nuk u arrit.

Shkrimi u publikua sot,8 maj 2014 në gazetën Shqiptarja.com (print)

Redaksia online
(d.a/shqiptarja.com)   

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Francë/ Përplasen rëndë dy tramvaje në Strasburg, 30 të plagosur (VIDEO)

Francë/ Përplasen rëndë dy tramvaje në Strasburg, 30 të plagosur (VIDEO)

11 Janar, 16:44