Lefter Maliqi fushatë për PS
Basha: S'duhet ta vija në listë

Lideri i Partisë Demokratike Lulzim Basha i është përgjigjur kandidatit të dorëhequr Lefter Maliqi, i cili një ditë më parë njoftoi kalimin me PS-në dhe daljen në fushatë për kryeministrin Edi Rama.

Edhe pse e përfshiu në listën e kandidatëve duke e renditur të tretin, sot Basha pranoi se përzgjedhja e tij ishte një gabim që bëri.

Kryedemokrati Basha u shpreh në “Top Story” se vendimi i duhur do të ishte që ai të mos ishte përfshirë fare në listë

"Vendimi i duhur është që të mos kishte qenë numri 3 i listës, dhe vendim më i drejtë do të kishte qenë që të mos ishte fare në listë”, tha Basha. 

Një ditë më parë kandidati për deputeti në PD ne qarkun e Beratit, Lefter Maliqi, i cili renditej i treti ne liste për zgjedhjet e 25 qershorit, dha dorëheqjen duke kaluar me PS-në.

Redaksia Online
l.q/Shqiptarja.com