Kandidati i LSI në qarkun e Beratit, Lefter Maliqi konsteston rezultatin e zgjedhjeve duke pretenduar se i janë grabitur votat. Ai shkruan se votat e tij janë blerë dhe manipuluar.

“Unë, në respekt të vullnetit tuaj, nuk i pranoj këto zgjedhje, kurrë dhe pikë. Votat e mia janë grabitur, janë blerë, janë manipuluar, nga krimi dhe mafia,për mua jo vetëm në qarkun Berat por ne gjithë vendin,diçka e tmerrshme fshihet. Rezultati i deritanishëm është skandaloz dhe i pavërtetë. Mbetem më i forte se kurrë, besoj që e vërteta do të zbardhet, dhe ndëshkimi do të jetë i rëndë. Vazhdoj me kokën lart dhe me besim në Zot, drejt sfidave reale me fitore kundër krimit, drogës dhe mafies”, shkruan Maliqi në facebook.