POP 5

Lajmet më të lexuara të 5 minutave të fundit

Ekonomi

Legalizimet, 4.2 milion euro nga
buxheti i shtetit për 800 pronarë

Ka hyrë në fuqi vendimi i Këshillit të Ministrave që përcakton shumat e shpërblimit për pronarë të tokave të zëna nga ndërtime ilegale, që legalizohen, në tetë nga 12 qarqet e Republikës së Shqipërisë.
Legalizimet, 4.2 milion euro nga<br />buxheti i shtetit për 800 pronarë
TIRANE - Në tetë qarqe të vendit 800 pronarë të trojeve të zëna nga ndërtime pa leje do të përfitojnë shumën e dëmshpërblimit nga buxheti. Që nga dita e hënë ka hyrë tashmë në fuqi VKM Nr. 435, e miratuar në mbledhjen e qeverisë të datës 24 prill të këtij viti, ku Këshilli i Ministrave ka vendosur shpërblimin e pronarëve për sipërfaqet takuese të pasurive të paluajtshme, pronë private, të zëna nga ndërtimet informale në Shkodër, Vlorë, Durrës, Tiranë, Korçë, Berat, Kukës dhe Elbasan.

Pronarët e pasurive të paluajtshme, për sipërfaqen e zënë nga ndërtimet informale, do të shpërblehen, sipas shifrave që pasqyrohen në listën e publikuar në këto faqe, për një sipërfaqe totale prej 4.5 hektarësh tokë truall, me vlerë të përgjithshme mbi 588 milionë lekë.

Vlera e përgjithshme e shpërblimit do të përballohet nga fondi i kompensimit të pronave të parashikuar nga ligji nr. 10 239, datë 25.2.2010 “Për krijimin e fondit special të kompensimit të pronave”, thuhet në Vendimin e Këshillit të Ministrave.

Zyra Qendrore e Regjistrimit të Pasurive të Paluajtshme është ngarkuar të kryejë, në përputhje me këtë vendim, ndryshimet përkatëse në regjistrat e pasurive të paluajtshme për kalimin e pasurisë së paluajtshme të kompensuar në pronësi të shtetit.

Lista e 800 pronarëve në Shqiptarja.com

Shkrimi u botua sot në gazetë Shqiptarja.com (print) 06.06.2013
 
Redaskia Online
(b.m/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Ushtria libaneze apel banorëve: Shmangni zonat ku forcat izraelite janë ende të pranishëm

Ushtria libaneze apel banorëve: Shmangni zonat ku forcat izraelite janë ende të pranishëm

27 Nëntor, 08:39