TIRANE- Këshilli i Ministrave ka vënë në dispozicion 2.5 milionë dollarë për kompensimin e 544 pronarëve, tokat e të cilëve janë zënë nga ndërtimet informale. Vendimi në fjalë u mor nga Qeveria gjatë mbledhjes së kësaj jave për sipërfaqet e zëna nga ndërtimet pa leje të shpërndara në 5 qarqe të vendit.

“Këshilli i Ministrave vendosi shpërblimin e pronarëve për sipërfaqet takuese të pasurive të paluajtshme, pronë private, të zëna nga ndërtimet informale në qarqet e Tiranës, Elbasanit, Vlorës, Shkodrës dhe Kukësit” thekson vendimi i Qeverisë.