POP 5

Lajmet më të lexuara të 5 minutave të fundit

Politikë

Legalizimet, Lame: Nuk prishen
ndërtimet bërë pas vitit 2009

Mazhoranca hedh një hap përpara në drejtim të normalizimit të situatës lidhur me ndërtimet pa leje, duke pranuar mundësinë e legalizimit edhe për ndërtimet e realizuara pas vitit 2009. Sipas ligjit në fuqi personat që kanë ndërtuar në tokën e të tretëve ose në tokën e shtetit, pas 15 janarit 2009, nuk mund të legalizojnë objektet, por përballen me shembjen e ndërtimit. janë 33 mijë objekte që mund të hyjnë në proces por vetëm me një amnisti konsensuale.
TIRANE- Pas premtimit-surprizë elektoral për legalizimet pa pagesë, mazhoranca aktuale ka hedhur dje një hap përpara në drejtim të normalizimit të situatës lidhur me ndërtimet pa leje, duke pranuar mundësinë e legalizimit edhe për ndërtimet e realizuara pas vitit 2009. Deri tani, një gjë e tillë konsiderohej si vepër penale dhe nuk mund të legalizohej.

Drejtori i përgjithshëm i ALUIZNI-, Artan Lame, premtoi dje legalizim brenda mandatit qeverisës, por vetëm për zonat informale. Përmbyllja e plotë e procesit, për gjithë ndërtimet, do të kërkojë më shumë kohë, tha ai. Gjatë paraqitjes së ligjit për legalizimet në Komisionin parlamentar të Veprimtarive Prodhuese, ai tha se ndryshimet në ligj janë të domosdoshme për të orientuar një proces të ngelur në rrugë pa krye.

Të gjitha ato ndërtime të bëra pas 2009, në tokë me pronar të huaj ose në pronë shteti, as nuk do të legalizohen dhe as nuk do të prishen. Ky ishte qëndrimi i drejtorit Artan Lame, i cili sqaroi se bëhet fjalë për një shifër të përafërt në rreth 33 mijë objekte të tilla. Pas vitit 2009, ndërtimi pa leje u konsiderua vepër penale, ndaj qeveria e mëparshme parashikonte të legalizonte vetëm ato objekte që janë bërë në tokë private. Në total janë rreth 270 mijë objekte pa leje të ndërtuara në vite. Por deri më sot, vetëm 21 mijë familje kanë arritur të marrin lejen e legalizimit, një shifër kjo që tregon se ky proces ka dështuar në vite.

E shembulli më i mirë i kësaj është se vetë zyrat e ALUIZNI-t ndodhen në një objekt pa leje.
Lame tha dje se rreth 100 mijë deklarime nuk janë verifikuar asnjëherë në terren.
 
Amnistia
Përfshirja e ndërtimeve të bëra pas vitit 2009 në procesin e legalizimeve mund të bëhet vetëm përmes një amnistie dhe një konsensusi të gjerë politik, tha Lame. Duke nënkuptuar një marrëveshje midis partive kryesore politike për të amenduar veprën penale, që konsiderohet aktualisht ndërtimi pa leje pas vitit 2009. Por, që, megjithatë, nuk është ndëshkuar asnjëherë nga ligji.
Ligji i ri parashikon që procesi i legalizimit të jetë falas, ndërkohë që pronat e legalizuara do të mund të regjistrohen edhe pa kryer pagesën e tokës, duke vendosur mbi to një barrë deri në shlyerjen e detyrimit.
 
Ndryshimi
Sipas ligjit në fuqi, personat që kanë ndërtuar në tokën e tretëve ose në tokën e shtetit, pas 15 janarit 2009, nuk mund të legalizojnë objektet, por përballen me shembjen e ndërtimit. Kjo u diktua nga ndryshimi që u bë në një prej neneve të Kodit Penal, i cili përcakton se kush ndërton në tokën e shtetit apo në tokën e të tretëve përbën vepër penale.
Por, është lejuar që të legalizohen objektet pa leje të ndërtuara pas këtij viti, me kushtin që ato të jenë në ngritura në truall në pronësi të personit posedues. 

Shkrimi u publikua sot (23.04.2014) në gazetën Shqiptarja.com (print)

Redaksia Online
(d.a/shqiptarja.com) 

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50