TIRANË - Kanë ndryshuar sërish rregullat për personat që janë ende në proces legalizimi të ndërtimeve pa leje. Me një Vendim të marrë në mbledhjen e tij të fundit, Këshilli i Ministrave ka përcaktuar afate të reja, si dhe nivele të reja të pagesave lidhur me shërbimin e ALUIZNI-t apo penalitetet për shtesa katesh, etj.
 
Afatet
Konkretisht, në VKM përcaktohet se, në vendimin nr.860, datë 10.12.2014, të Këshillit të Ministrave, pika 4 ndryshon, duke sanksionuar që pagesa e tarifës së shërbimit të kryhet brenda 30 ditëve nga data e njoftimit me shkrim të ALUIZNI-t. Deri tani, me aktet nënligjore në fuqi, rregulli ka qenë i ndryshëm. Pagesa e tarifës së shërbimit, që do të qendrojë në fuqi derisa sa VKM e kësaj jave të publikohet në Fletoren Zyrtare, parashikohej të kryhej brenda 45 ditëve, nga data e njoftimit me shkrim të ALUIZNI-t.
Pra, administrata shtetërore kërkon në këtë mënyrë të acanvojë pagesat me dy javë. Ky është ndryshimi i parë.