61% e qytetarëve votuan pro legalizimit të kanabisit për përdorim mjekësor në Formularin e Këshillimit Kombëtar, ndërsa kryeministri Edi Rama tha se kjo do të ndodhë shumë shpejt, e megjithatë qëndrimet e juristëve janë të ndryshme përkundrejt kësaj nisme.
A mund të bëhet kjo me një vendim qeverie? Juristët shprehen jo pasi do të kërkonte ndryshime ligjore në ligjin e barnave dhe në kodin e procedurës penale dhe kodin penal. Sipas tyre ka një dilemë të madhe se kush do ta kontrollojë, ndërsa juristi Marash Ibraj, i pyetur nga Report Tv deklaron se shteti shqiptar ka dështuar të kontrollojë shumë paligjshmëri.
"Ka me dhjetëra të dënuar tashmë që marrin masa ndëshkuese për 3 gramë hashash, nëse ne kemi njerëz të tillë në burgje dhe ti nga ana tjetër të kërkosh legalizmin, minimumi duhet të bësh një amnisti për këta të dënuar. Për një bimë hashash mund të shkosh deri në 10 vite burg. Problem pastaj edhe se kush do të ketë kontrollorë. Çfarë ka kontrolluar deri tani shteti që ka qenë e suksesshme? Ndërtimet pa leje janë kontrolluar me sukses, bregdeti? Janë konflikte interesash", tha ai.
Kreu i Shoqatës së Avokatëve Penalistë, Saimir Visha shprehet pro kësaj nisme ligjore, por nga ana tjetër kërkon një amnisti penale më të gjerë për shkak të atyre që janë dënuar ndër vite. Ai po ashtu tha se ka ardhur koha edhe për legalizimin e prostitucionit.
"Ne kemi që në vitin 2016 që kemi ngritur zërin duke kërkuar legalizmin e kanabisit, në kuadër të një përdorimi mjekësor. Jemi pro. Besoj që hapja e kësaj mundësie do të ketë një kontroll nga qeveria për të ndërprerë veprimet e kundraligjshme. Paralelisht me ligjin për legalizimin e kanabisit, duhet të përgatitet një amnisti për të gjithë personat që duke mos patur ligjin për legalizimin e kanabisit, të parashkruhet pjesa e mbetur e dënimit. Kemi qindra persona që janë dënuar për shkak të mospasje të ligjit, në momentin që ligji del, pjesa e mbetur e dënimit të të burgosurve, duhet të konsiderohet e shlyer. Kultivimi do bëhet në mënyrë të kontrolluar, nuk do kemi më raste sporadike të mbjelljes nëpër parcela, por do jetë e licencuar dhe e kontrolluar. Mendoj se ka ardhur koha edhe për legalizimin e prostitucionit, të gjitha duhet të kontrollohen nga shteti", tha Visha.
Kryeministri Edi Rama prezantoi dje rezultatin e votimit në formularin e Këshillimit Kombëtarë, ku pyetjes mbi legalizmin e kanabist për qëllime mjekësore, 308.992 qytetarë iu përgjigjën pozitivisht, 148.092 kundër dhe 51.051 nuk e di, ose e thënë me %, 61% pro, 29% kundër dhe 10% nuk e di.
Se kur do të ndodhë kjo, Rama tha "shumë shpejt", por nuk dha një datë konkrete.
Komente
Lajme të tjera
-
'U prek shteti', Saimir Vishaj pronocim për dhunën ndaj avokat Sokol Mëngjesit: Të lutemi që shoku jonë të dalë nga koma
30 Maj, 10:10 -
Licencimi i kanabisit mjekësor dhe lojërave të fatit, zbulohet shpërblimi që përfitojnë anëtarët e komisioneve
22 Maj, 16:55 -
Gjermani/ Hyn në fuqi legalizimi i kanabisit për të rriturit, lejohet kultivimi deri në 3 bimë në banesë
1 Prill, 09:57 -
‘Me ty për Shqipërinë që duam’, qeveria i rikthehet sërish Këshillimit Kombëtar! Qytetarët do pyeten për çështje me rëndësi strategjike
29 Dhjetor 2023, 16:10 -
Erisa Xhixho: Qeveria e ka kthyer vendin në Kolumbi të Evropës, të rinjtë shqiptarë bien pre e përdorimit të drogës! Tërhiquni nga ligji kanabisit
22 Shtator 2023, 11:58 -
Hyn në fuqi ligji për legalizimin e kanabisit, për studentët e Mjekësisë dhe i Akademisë së Shkencave
21 Gusht 2023, 15:23 -
Presidenti Begaj nuk dekreton ligjin për studentët e mjekësisë dhe legalizimin e kanabisit mjekësor, aktet hyjnë në fuqi në heshtje
15 Gusht 2023, 14:47 -
Basha kundër legalizimit të kanabisit: I shërben bandave kriminale
22 Korrik 2023, 20:12 -
Fatos Tarifa: Askush nuk mund të jetë 'pronar i shtetit'! Edhe njëherë, për Kryeministrin dhe dy ligjet e miratuara dje në Kuvend
21 Korrik 2023, 17:39
-
Meta: Pr/ ligjet e votuara dje në Parlament, antikushtetuese! Rama u hapi rrugë trafikantëve me legalizimin e kanabisit, ministrja s’pyeti studentët e mjekësisë
21 Korrik 2023, 14:27 -
Kuvendi miraton pr/ligjet: 5 vjet punë me detyrim për mjekët e rinj! Legalizohet kanabisi mjekësor, hiqen kufizimet e kreut të Akademisë së Shkencave
21 Korrik 2023, 07:24 -
Kuvend/ Rrëzohet kërkesa e PD për interpelancë me Ramën për Ahmetajn! Pr.ligji për mjekët e rinj, Kushi: S’është antikushtetues, ta miratojmë para se të jetë vonë
20 Korrik 2023, 07:17
Ata te cilet kerkojne legalizimin e lendeve narkotike dhe prostitucionit jane po ata te cilet perfitojne nga keto du aktivitete te demshme dhe imorale. Do pranonin ata qe grate apo vajzat e tyre te heqin dore nga digniteti njerezor duke tregtuar liri e e tyre?
Përgjigju