POP 5

Lajmet më të lexuara të 5 minutave të fundit

Sport

Legjenda Sacchi komenton në Tiranë shortin e Europianit, këshillon Shqipërinë: Të luajë pa frikë, ndaj Italisë të fitojë më i miri

Legjenda e futbollit italian Arrigo Saki ishte sot në Tiranë ku u ndal të fliste edhe për kombëtaren shqiptare. Trajneri i famshëm tha se kuqezinjtë duhet të luajnë në Europian pa frikë dhe mos ti besojë individëve, por të jenë të bashkuar.

Trajneri i cili revulucionoi futbollin në Itali dhe jo vetëm, duke drejtuar si kombëtaren 'axurre' ashtu edhe Milanin historik, Arrigo Sacchi, ishte sot në Tiranë ku edhe u ndal të fliste për Europianin. I pyetur për shortin ku Italia bën pjesë bashkë me Shqipërinë, Spanjën dhe Kroacinë, ai u përgjigj:

“Nuk kishte ku të shkonte më keq për Italinë (qesh). Por, e merituar, sepse ishim në vazon e fundit. Nëse mendojnë se do të jetë një ndeshje e thjeshtë, do ta paguajnë. Për fat të keq jemi mbrapa, sepse na iku një trajner dhe erdhi një tjetër, që gjithsesi është i zoti,"-u shpreh ai.

Sacchi nuk e kurseu një këshillë për Shqipërinë që merr pjesë për herë të dytë në Europian.

“Të luajë pa frikë. Të provojë të luajë futboll si skuadër, jo me individë. Sekreti i futbollit është ky: një për një bën gjithmonë një. Por, një për 11 bën 11. Kjo bën ndryshimin. Milani im luante si ekip, në mbrojtje dhe në sulm. Luanim kompaktë,”-tha ai.

Sacchi nuk preferoi të bënte një parashikim të saktë për ndeshjen Shqipëri-Itali, e para në Europian për kuqezinjtë që luhet më 15 qershor.

“Të fitojë ai që e meriton. Për mua, një fitore pa meritë nuk është fitore. Është e drejtë që të fitojë skuadra që do të luajë më mirë,”-deklaroi ai.

Për Sacchi-n nuk janë vetëm Franca dhe Anglia pretendentët kryesorë për të fituar Europianin.

“Europiani luhet në Gjermani dhe duhet bërë kujdes. Gjermanët janë gjermanë...,”-tha ai.

Arrigo Sacchi ishte në Tiranë për të njoftuar çeljen e ekspozitës së Paolo Rossi-t, një ish-futbollist dhe tani legjëndë e Italisë që në të kaluarën ka udhëhequr ‘axurrët’ drejt fitimit të Botërorit.

Ne.k./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57