POP 5

Lajmet më të lexuara të 5 minutave të fundit

Kosova & Rajoni

Lehne: Veriut të Kosovës
t'i jepet autonomi

Dialogu teknik ndërmjet Beogradit e Prishtinës duhet të bëhet më shumë politik dhe lypset të orientohet në çështjen e autonomisë për veriun e Kosovës, ka deklaruar eksperti i Fodnacionit “Karnegi Evropa”, Shtefan Lehne. I cili edhe ka qenë i ngarkuar për Ballkanin i ish përfaqësuesit të lartë të BE, Havier Hoslava.
Lehne: Veriut të Kosovës <br />t'i jepet autonomi
PRISHTINE- Në një intervistë të gjatë për gazetën “Politika” të së martës, Lehne ka thënë se “ndonëse dialogu i deritashëm teknik ndërmjet Beogradit e Prishtinës ka qenë produktiv, për tu arritur përmirësim i konsiderueshëm i raporteve është i domosdoshëm një proces më i madh dhe më ambicioz politik”. Në këtë rrafsh ai propozon që negociatat të orientohen në çështjen e autonomisë për veriun e Kosovës dhe që BE urgjentisht ta caktojë të ngarkuarin e posaçëm i cili do ta drejtonte këtë proces. 

“Veriu i Kosovës do të duhej të ishte temë e rëndësishme e një dialogu të tillë, por jo edhe e vetmja. Qasja e gjer do të kontribuonte në shanset më të mira për balancimin e interesave të palëve të ndryshme. Procesi do të duhej të nis së shpejti por do të duhet të ketë fazën përgatitore të diplomacisë trajekteve ndërmjet Beogradit, Prishtinës dhe veriut të Kosovës”, ka thënë Lehne. 

Sipas fjalëve të tij esenca e autonomisë destinuar veriut të Kosovës duhet të negociohet.. “Në vend që të merret cilido model nga ndonjë pjesë e botës, marrëveshja duhet t’i adaptohet situatës në veri të Kosovës.

Është e domosdoshme të gjendet baraspesha midis dëshirave të popullatës lokale që ta drejtojnë fatin e vet dhe faktit se ky rajon edhe ë tutje do të jetë pjesë e Kosovës dhe do të duhej të kishte lidhje të domosdoshme me autoritetet në Prishtinë”, konsideron Lehne. 

Duke folur mbi shpalljen e zgjedhjeve lokale serbe në veri të Kosovës, Lehne ka thënë se e konsideron kundërthënëse që Beogradi vazhdimisht po i referohet respektimit të Rezolutës 1244 e që “njëkohësisht po punon në kundërshtim me këtë rezolutë duke i shpallur zgjedhjet në Kosovë”.
Ai ka cekur se “opsioni i cili gjithashtu do të mund të shqyrtohet është që një trup ndërkombëtar, sikurse është bie fjala OSBE, të organizojë zgjedhjet lokale si masë e përkohshme speciale, derisa nuk arrihet marrëveshja mbi veriun e Kosovës”
/rg/shqiptarja.com/

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tiranë/ Organizonin baste dhe lojëra fati, vihen në pranga 6 persona

Tiranë/ Organizonin baste dhe lojëra fati, vihen në pranga 6 persona

24 Nëntor, 09:55