Lejet e gjyqtarëve, 36 gjykata e KLD
mbyllen në Gusht, rinisin në Shtato

TIRANE - 36 gjykata në të gjithë Shqipërinë, përfshirë ato të shkallës së parë, apelit, si dhe Gjykatat Administrative duke filluar nga sot do të mbyllin dyert për qytetarët dhe proceset gjyqësore për të rinisur punën në shtator.

Shkak për pezullimin e punës janë lejet vjetore të trupës gjyqësore, ku sipas ligjit në fuqi për funksionimin e pushtetit gjyqësor çdo gjykatës ka 30 ditë kalendarik leje.

Burime për A1Report nga zyra e administrimit gjyqësorë bënë me dije se në periudhën e muajit gusht në 29 gjykatat në shkallë vendi do të punohet vetëm me masat e sigurisë me gjykatës të gatshëm, ndërsa për të gjitha depozitimet dhe proceset e pezulluara puna do të rinis në shtator.

Lejet vjetore në sistemin e drejtësisë kanë përfshirë dhe Këshillin e Lartë të Drejtësisë, ndërsa 8 prej anëtarëve të tij mbeten në gadishmëri për muajin gusht për tu mbledhur brenda 48 orëve në rast të çdo kërkese të paraqitur nga prokuroria për pezullim gjyqtari.

Më të privilegjuar për sa i përket lejeve vjetore janë anëtarët e Gjykatës së Lartë dhe asaj Kushtetuese të cilët përfitojnë 45 ditë kalendarik pushime dhe pritet që puna në këto dy gjykata të rinis më 15 shtator.

Me nisjen e sesionit të ri, gjykatat shqiptare mes tyre ajo e krimeve të rënda pritet të jap verdikte për një sërë çësthjes të bujshme mes tyre dhe dosja “Lazarati”.

Redaksia Online
(e.c/shqiptarja.com)

TAG:
• lazarat