Dy persona janë arrestuar, mes të cilëve një punonjës i IKMT pasi akuzohet se ka marrë ryshfet prej rreth 10 milionë lekësh për të mos prishur një ndërtim në zonën e Ksamilit nga një qytetar. Policia e Sarandës dhe Forcat Operacionale kanë shoqëruar mbrëmjen e djeshme 7 persona, mes të cilëve 5 janë punonjës të Inspektoratit Kombëtar i Mbrojtjes së Territorit, pasi dyshohet se kanë lejuar ndërtimet pa leje në zonat e plazheve të Ksamilit.

Nga 7 personat e shoqëruar, për dy prej tyre është lëshuar edhe urdhër arresti, një qytetar nga Saranda dhe një punonjës i IKMT Tiranë, të cilët janë transferuar në Tiranë.

Dy të arrestuarit janë Altin Bogdani, 35-vjeç nga Tirana, Inspektor i verifikimeve në terren në Drejtorinë e Përgjithshme të IKMT Tiranë  dhe Vasillaq Vito, 43-vjec nga Saranda.

Bogdani akuzohet se ka marre ryshfet 5000 euro dhe 350.000 lek te reja nga shtetasit Vasillaq Vito, për të mos i prishur një pjesë të një objekti në Ksamil. Bëhet fjalë për një ndërtesë në Ksamil, ku do të bëhej një shtesë e paligjshme.  

Gjatë kontrollit të ushtruar Bogdanit, ju gjeten 5000 euro, 350.000 lek, 3 celulare dhe një sasi prej 1.56 gram “cannabis sativa”.

Policia ka sekuestruar edhe një automjet të IKMT, i cili ndodhet i bllokuar në Komisariatin e policisë Sarandë. 

 Mjeti i IKMT bllokuar në komisariatin e Policisë Sarandë

Rendit zhvillimet sipas orarit:
Ora 09:16
Zbardhen detaje nga operacioni në Ksamil/Qytetari i paguan 5 mijë euro punonjësin e IMT për ndërtimin pa leje, 2 të arrestuar

Paratë dhe droga e sekuestruar punonjësit të IKMT

Dy persona janë arrestuar pas operacionit të mbrëmshëm në Ksamil nga policia dhe IKMT për ndërtimet pa leje.

Nga 7 të shoqëruar mbrëmjen e djeshme, është prerë fletë arresti vetëm për 2 persona. Është arrestuar një qytetar nga Saranda dhe një punonjës i IMT Tiranë.

Qytetari nga Saranda dyshohet se i ka paguar 5 mijë euro punonjësit të IMT për kryerjen e një ndërtimi pa leje. Në orët në vijim pritet që policia të dalë me një deklaratë zyrtare.

I.K/Shqiptarja.com