Leon Avdullahu ka marrë një vendim të madh për të ardhmen e tij ndërkombëtare. Mesfushori 21-vjeçar i Hoffenheim ka zgjedhur të luajë për përfaqësuesen e Kosovës, duke refuzuar përfundimisht Zvicrën, ekip ku ka luajtur deri te moshat U-21.

Lajmi është konfirmuar nga vetë presidenti i Federatës së Futbollit të Kosovës, Agim Ademi, i cili u shpreh me entuziazëm përmes një postimi në rrjetet sociale.

“Pritjes i erdhi fundi, Leoni është i Kosovës. Ndjej kënaqësi të ndaj me ju lajmin e madh se Leon Avdullahu, i udhëhequr nga zemra e tij, ka vendosur që të luajë për Kombëtaren e Kosovës. Leoni me këtë vendim dëshmoi fuqishëm që Kosova mbetet zgjedhje zemre dhe se identiteti e prejardhja nuk mohohen. Mirë se vjen, Leon!”, shkruan ai.

Avdullahu, i rritur në akademinë e Baselit, ka qenë pjesë e kombëtareve të moshave të Zvicrës, por këtë verë bëri hapin e madh drejt Bundesligës, duke u transferuar te Hoffenheim për 8 milionë euro. Në ndeshjen e tij debutuese ndaj Bayer Leverkusen, ai dhuroi një paraqitje mbresëlënëse, ndërsa vlera e tij në 'Transfermarkt' është rritur tashmë në 10 milionë euro.

Me këtë vendim, Kosova përfiton një element me potencial të madh në repartin e mesfushës, duke forcuar edhe më tej një ekip tashmë të pasur me cilësi në sulm, ku spikasin emra si Edon Zhegrova, Fisnik Asllan dhe Albion Rrahmani, i cili po shkëlqen në fillimin e sezonit me Sparta Pragën.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Asllani: 26/08/2025 10:34

    Per fat Shqipëria te mbaj Asllanin pse jo edhe Edison Ndreca mesfushori legjendar I Egnatja meriton te thirret tek Republika Shqipërise

    Përgjigju
  • Sondazhi i ditës: 4 Janar, 22:15

    Arrestimi i Maduros, si e vlerësoni sulmin e SHBA-ve në Venezuelë?

Lajme të tjera