POP 5

Lajmet më të lexuara të 5 minutave të fundit

Kronikë

Lleshaj: Do asgjësojmë kanabisin para fushatës që krimi të mos ndërhyjë në zgjedhjet e 25 prillit

Nga qyteti i Shkodrës, ministri i Brendshëm Sandër Lleshaj ka deklaruar se Policia e Shtetit po punon që betejën me kultivimin e kanabisit të përfundojë para se të nisë fushata zgjedhore.

SHKODËR- Nga qyteti i Shkodrës, ministri i Brendshëm Sandër Lleshaj ka deklaruar se Policia e Shtetit po punon që betejën me kultivimin e kanabisit të përfundojë para se të nisë fushata zgjedhore.

Kjo sipas tij, për të ndaluar çdo ndërhyrje të elementëve kriminale në procesin zgjedhor. Lleshaj është i bindur se kjo betejë do të përmbyllet me sukses.

"Duam që këtë vit betejën me kanabisin ta përfundojmë para se të nisë fushata zgjedhore, që të shterojmë çdo përpjekje për të pasur interferenca të elementëve në këtë fushë. Ne po angazhohemi shumë dhe ju garantoj që do të ketë sukses", tha Lleshaj.  

Për ministrin e Brendshëm, këtë vit nuk është kultivuar më shumë kanabis, por është kapur më shumë, kjo sepse janë rritur kapacitet e policisë. Këtë qëndrim Lleshaj e mbështet me dy argumente kryesore. Së pari, sipas tij në vendet fqinje si Italia, Greqia apo Mali i Zi janë kapur më pak drogë që ka pasur si vend-origjine Shqipërinë dhe së dyti që çmimi i kanabisit në tregun e zi është rritur shumë.

"Ka pasur persona të ndëshkuara. Ka pasur një intensitet të lartë të kontrollit se ka pasur më shumë kapacitet, më shumë mjete, më shumë orë fluturimi nga ajri nga të huajt dhe vendas, ka pasur më shumë drogë e për rrjedhojë janë gjetur më shumë se vitin e kaluar. Nuk do të thotë që është kultivuar më shumë, por që është goditur më shumë. Nuk ka më shumë kanabis në treg se një vit më parë. Kjo sepse destinacionet e kanabisit nga Shqipëria që përfshinë Italinë, Greqinë, Mali i Zi kanë provuar se sasia e sekuestruar është shumë herë më e ulët se sasia e sekuestruar në vitin 2019, sivjet në Italia janë sekuestruar 911 kg nga Shqipëria, ndërkohë në vitet e shkuara janë kapur me tonelata, do të thotë që prodhimi ka rënë në mënyrë të ndjeshme. Dhe një tregues tjetër është çmimi i kësaj lënde në tregun e zi që ka arritur në nivele stratosferike krahasuar me vitet e tjera", shtoi ministri.

Krah drejtorit të Përgjithshëm të Policisë së Shtetit, Ardi Veliu dhe drejtorit të Policisë së Shkodrës, Lleshaj tha se me krijimin e institucioneve të reja të drejtësisë, veçanërisht SPAK, bashkëpunimi Polici- Prokurori është përmirësuar ndjeshëm.

"Bashkëpunimi i Policisë, me Prokurorinë ka njohur një përmirësim të ndjeshëm, me krijimin e SPAK është rritur bashkëpunimi", tha ministri.

Lleshaj ishte në Shkodër për analizën e punës së Policisë së Shtetit kundër kultivimit të kanabisit.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • A. N.: 18/11/2020 21:23

    Ka plasur hashashi ne te 4 anet e ky dashka ta ndaloje. Hahahhahah

    Përgjigju
  • Ik re klluf: 18/11/2020 20:35

    Shyqyr qe doli ky me thone do luftojme kanabisin se spo e zente gjumi miletin. Do e luftojme thote kokrra karit qe mos te nderhyje krimi ne zgjedhje!!! Ore ky jeton ne shqiperi apo vjen nga bangladeshi?? Ka pas burra me tmire se ty ajo ministri edhe sja kane nxjerr fundin, erdhe ti kapterr injorant ene do bosh revolucion. O kar burr po mos me qene krimi apo personazhet ti ene ps jote smerrni kokerr vote. Per favore votash po i lepihet kriminelve ne amerike e jo mo kto qe jemi ven i botes 3. Amon mer kur do e heqi ket palaçon Rama se vallai ska minister me popull kot, pa rezultat ene injorant ushtrie komplet. Ngaqe sjane tu mjell mo hashash thote se gja ky i ka bo rrupsup, osht ngrejt cmimi!!! O ti je klluf kome e koke, po kush e rrun mo me mjell neper pyll o kapterr, mjellja bohet me sera, ka me shume cilsi edhe normal cilsia ka cmim tjeter.

    Përgjigju
  • Toni: 18/11/2020 20:19

    Ky te magjeps me seriozitetin idiot qe e karakterizon. Ca vite me pare thonte zero tolerance, territori pa kanabis. Tani thote qe eshte lultivuar por jo shume, se duket shume pasi eshte kapur me shume. Hajde merre vesh. Si mund te kapet shume kur eshte kultivuar pak??! Do ta kapim te gjalle para zgjedhjeve thote, qe trafikantet mos kene para te sponsorizojne partite politike. Dmth e ka vetem per parate qe do fitonin nga sot deri te zgjedhjet. Po milionat e eurove per 7 vjet? Apo ato do i parashkruaje dhe mund te perdoren.

    Përgjigju
  • Kafja e madhe: 18/11/2020 19:26

    Ahahahaha do luftoj hashashin lleshi...... aty prapa shpatulles tate o llesh eshte leonard ndreka, shefi komisariatit malsise madhe. Ai zotria ka 5 vjet qe e ka mbush malsine me hashash e ti o lleshi i rruan leshin e nuk e heq dot se ka mbeshtetjen e krimit organizum qe “do luftosh”! Kshuqe mos ha mut kot o llesh po ik bej xhiro me ate bmw qe te ka blere veliu me te prish mendjen!

    Përgjigju
  • Idjot: 18/11/2020 19:15

    Po ty ponte ze syte krimi ekonomik qe te ben muuuuu ne mes tiranes e ti do merresh me kanabisin qe po e kultivojne edhe neper vazo shpije. Ik o llesh mavrija se kesaj pune i ke ra kot ne qafe.

    Përgjigju
  • Ppsh: 18/11/2020 18:31

    Je ne vete... Doni te na lini pa polici? Te asgjesosh kanabisin dmth te azgjesosh krejt komisariatet ashtu si ndodhi me komisariatin e vlores dhe himares

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46