TIRANË - Kreu i Lidhjes Demokristiane, Nikollë Lesi në një qëndrim të tij lidhur me reformat që pritet të marrë qeveria shqiptare, i rekomandon asaj disa zgjidhje përsa i përketë reformimit të RTSH. Sipas Lesit, drejtori i përgjithshëm duhet të zgjidhet me votë në Parlament.

“Mazhoranca të reformojë televizionin publik. Drejtori i përgjithshëm i RTSH të votohet në Parlament dhe të zgjidhet mes 2 kandidaturave”. Sipas Lesit, një tjetër faktor që do e ndryshonte rrënjësisht RTSH-në është shërbimi që do të ofrojë kjo media. “RTSH i duhet kthyer publikut, mos t'i shërbejë më politikës”, tha Lesi.

Shkrimi u publikua sot (26.09.2013) në gazetën Shqiptarja.com (print)

Redaksia Online
(a.ç/shqiptarja.com)