POP 5

Lajmet më të lexuara të 5 minutave të fundit

Ekonomi

Letrat me vlerë, interes rekord
Obligacionet arrijnë në 9.6%

Norma e interesit të letrave me vlerë të qeverisë ka shënuar një rekord të ri, me 9.6 për qind për obligacionet me afat 5-vjeçar maturimi, që janë shitur në Bankën e Shqipërisë për llogari të ministrisë së Financave. Kjo është një shifër rekord, që flet për rritje të ndjeshme të kostos së borxhit publik, si pasojë e rritjes së kërkesës së qeverisë për borxh të brendshëm dhe, nga ana tjetër, pakësimit të pjesëmarrjes së bankave të nivelit të dytë në ankandet e bonove dhe obligacioneve, si pasojë e politikës së tyre më të matur lidhur me blerjen e letrave me vlerë të qeverisë shqiptare.
Letrat me vlerë, interes rekord<br />Obligacionet arrijnë në 9.6%
TIRANË - Norma e interesit të letrave me vlerë të qeverisë ka shënuar një rekord të ri, me 9.6 për qind për obligacionet me afat 5-vjeçar maturimi, që janë shitur në Bankën e Shqipërisë për llogari të ministrisë së Financave. Kjo është një shifër rekord, që flet për rritje të ndjeshme të kostos së borxhit publik, si pasojë e rritjes së kërkesës së qeverisë për borxh të brendshëm dhe, nga ana tjetër, pakësimit të pjesëmarrjes së bankave të nivelit të dytë në ankandet e bonove dhe obligacioneve, si pasojë e politikës së tyre më të matur lidhur me blerjen e letrave me vlerë të qeverisë shqiptare.
Sipas njoftimit nga Financat, janë shitur 812 milionë lekë obligacione pesëvjeçare me interes fiks, nga 1 miliardë të ofruara prej qeverisë, si dhe 4.52 miliardë lekë obligacione me normë të lëvizshme interesi, nga 4.5 miliardë të ofruara. Në përfundim të ankandit, është pranuar një kupon për letrat fikse me vlerë 9.53 për qind në shkallë vjetore dhe një kupon indikativ më i lartë për ato me interes të ndryshueshëm, në masën 9,5 për qind në vit. Në ankandin e mëparshëm, obligacionet 5-vjeçare fikse u shitën me interes 9.5 për qind dhe ato “float” me 9.13 për qind.
Deri tani, letrat pesëvjeçare kanë qenë instrumentat e borxhit qeveritar me interes më të lartë, ndonëse shumë rrallë tregtohen edhe obligacione 7-vjeçare, por këtë vita to nuk janë hedhur në treg. Me këtë kosto, për çdo 10 lekë që merren borxh, qeveria është e detyruar të paguajë gati 1 lek.

(aq/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57