Zgjedhjet e 2017
Kryefjala e këtij turit të kryetarit të opozitës do të jenë garancitë dhe marrja e masave për ruajtjen e votave në zgjedhjet e ardhshme parlamentare. Më shumë se tek deformimi i votës gjatë procesit, PD do të fokusohet tek masat kundër ndikimit të parave të zeza në rezultatin e zgjedhjeve. Nisur nga përvoja në Dibër, në korridoret e PD lakohen disa teza dhe ide nga më radikalet. Propozimet nisin që nga bojkoti i zgjedhjeve për të evituar një humbje të pestë, tek prishja e zgjedhjeve, destabilizimi i vendit, revolucionet, kushtet e ekstreme, marrëveshjet me njerëzit e krimit, ngritjen e grupeve të dhunshme nën modelin e Korpusit Azem Hajdari etj. Megjithatë, gjithçka pritet të qartësohet në ditët dhe javët në vijim, ku opozita do të fokusohet tek Reforma Zgjedhore, kryesisht tek teknologjia në zgjedhje dhe mënyra e financimit të partive, ku pritet të propozojë dënime ekstreme për krimet zgjedhore. Gjithsesi, sipas të gjitha gjasave, opozita do të ndjekë strategjinë e Dibrës edhe për zgjedhjet e 2017. Në mbledhjen e fundit të grupit parlamentar, përveç Selamit, Bregut dhe Imamit, të gjithë vlerësuan si të suksesshme strategjinë dhe angazhimin e madh në Dibër, por kujtuan se ndikimi i drogës ishte më madh nga sa ishte parashikuar.
Ndëshkimi i kundërshtarëve
Lëvizja e Lulzim Bashës do të jetë edhe një përgjigje ndaj Eduard Selamit, Majlinda Bregut dhe kritikëve të heshtur, të cilët kërkuan mbledhjen e Këshillit Kombëtar për të marrë në analizë lidershipin e Bashës. Gjatë takimeve, kreu i opozitës pritet të justifikojë tre humbjet, duke theksuar panevojshmërinë e mbledhjes së forumeve të larta drejtuese. Meqenëse zgjedhjet parlamentare po afrojnë me shpejtësi dhe ky mund të jetë turi i parafundit i Bashës, ky i fundit, gjatë kësaj lëvizje, pritet që të projektojë edhe listën e kandidatëve për deputetë për zgjedhjet e 2017. Dy janë momentet kur kryetari lan hesapet më kundërshtarët në parti: Gjatë hartimit të listës së kandidatëve për deputetë si dhe gjatë zgjedhjeve për forumet e larta të partisë. Nuk ka dyshim se lista e Bashës pritet të dominohet nga rrethi i tij i të besuarve, që përbëjnë sot lidershipin e PD, nga lista e Berishës si dhe nga 49 kandidatë në radhët e Forumit Rinor të Partisë Demokratike. Këto tre komponentë rrezikojnë seriozisht pozitat e shumicës së anëtarëve të grupit parlamentar demokrat.
Shmangia e analizës
Synimi i dytë i aksionit politik të Lulzim Bashës është evitimi i analizave për tre humbjet e fundit, disfatën në zgjedhjet parlamentare të 2013, humbjen në zgjedhjet e 2015 si dhe humbjen në Dibër. Me anë të takimeve me demokratët, Basha do të shmangë mbledhjen e Këshillit Kombëtar, për të analizuar përgjegjësitë e lidershipit të PD për rekordet negative në zgjedhjeve. Takimet do të shërbejnë për të bërë të besueshme alibinë, sipas të cilës PD po humbe jo se nuk i besojnë shqiptarët, jo se nuk ka program dhe vizion, jo se nuk ngjall shpresë, por për shkak paktit të pushtetit me kartelet e drogës.
Lista e Bashës
Nuk ka dyshim se lista e Bashës pritet të dominohet nga rrethi i tij i të besuarve, që përbëjnë sot lidershipin e PD, nga lista e Berishës si dhe nga 49 kandidatë në radhët e Forumit Rinor të Partisë Demokratike.
Garancitë
Kryefjala e këtij turit të kryetarit të opozitës do të jenë garancitë dhe marrja e masave për ruajtjen e votave në zgjedhjet e ardhshme parlamentare. Nisur nga përvoja në Dibër, në korridoret e PD lakohen disa teza dhe ide nga më radikalet.
Redaksia Online
(F.T/shqiptarja.com)