Lëvizjet në Polici, Lorenc Shehu emërohet në krye të Forcave Speciale RENEA

Lëvizjet në Polici, Lorenc Shehu emërohet në krye të Forcave Speciale RENEA

Lorenc Shehu, Shef i ri i RENEA-s

Një ditë më parë u largua nga detyra me firmën e Ardi Veliut shefi i Forcave të RENEA-s, Vasillaq Sota. Edhe pse motivet e largimit të Sotës nuk janë bërë të ditura, Report Tv ka mësuar nga burime pranë Policisë së Shtetit se në vend të tij është emëruar Lorenc Shehu. 

Ky i fundit ka një karrierë të gjatë si drejtues në Policinë e Shtetit. Shehu ka mbajtur detyrën e shefit të Strukturës Speciale Operacionale. Ndërsa deri në 2013-ën, Lorenc Shehu ka qenë drejtor i Policisë së Tiranës. 

Më herët ai ka mbajtur edhe detyrën e Komandantit të FNSH-së. Gjithashtu, Lorenc Shehu është ndër efektivët e Policisë së Shtetit të cilët mbetën të lënduar në protestën e opozitës në 27 maj, ku pati incidente dhe tensione përpara Kryeministrisë dhe Ministrisë së Brendshme. 


(Lorenc Shehu duke marrë ndihmë mjekësore te Trauma pas lëndimeve në protestën e opozitës)

Ndërkaq, ish-shefi i RENEA-s, Vasillaq Sota është një ofier karriere. Më herët ai është dekoruar nga ish-drejtori i policisë, Haki Çako.


(Vasillaq Sota, ish-shef i RENEA)

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shqiptari dhunon gruan dhe djalin e mitur në Itali

Shqiptari dhunon gruan dhe djalin e mitur në Itali