Një pasuri me vlerë prej 872 mijë euro është sekuestruar nga policia në Lezhë, në kuadër të operacionit ‘Vjeshtë 2017’, të cilat dyshohet se janë krijuar me veprimtari kriminale. Lajmi u bë i ditur nga drejtori i policisë Lezhë, Bledar Çeliku, i cili shtoi se ka nisur hetim për 30 persona.  

Pasuritë e vëna nën sekuestro:

– godine banimi 3 kate, bar kafe,

– 4 apartamente banimi,

– 4 automjete luksoze

– 1 llogari bankare prej 41.000 Euro

– 1 sipërfaqe toke pemëtore prej 15.000 m2.

 “Në kuadër të Operacionit “Vjeshtë 2017″, nga strukturat e Drejtorisë Vendore të Policisë Lezhë, janë referuar materiale për pastrim të produkteve të veprës penale në ngarkim të 30 shtetaseve. Konkretisht: Janë referuar në Prokurorinë për Krime të Rënda Tirane 14 raste të hetimeve pasurore.

Janë referuar në Prokurorinë e Rretheve Gjyqësorë Lezhë dhe Kurbin 15 raste te veprës penale te “Pastrimit te produkteve te veprës penale”. Në bazë të këtyre referimeve, Gjykatat kanë vendosur sekuestro preventive për pasuri të dyshuara se kanë rrjedhur nga veprimtaria kriminale të cilat kapin shumën prej 872 mijë euro., shkruhet në njoftimin e policisë:

Redaksia Online
J.Sh Shqiptarja.com