LEZHE - Një kabinë elektrike mori flakë në një prej lagjeve më të populluara të qytetit të Lezhës duke lënë në errësire qindra banorë dhe të shumë të tjerë shkaktoi panik.

Ngjarja u shënua pranë shkollës ''Gjergj Fishta'' ndërsa zjarrfikësit me vështirësi bënë shuarjen e flakëve pasi automjeti i tyre nuk kishte hapësira për të hyrë aty.

Për të shmagur rreziqet, u bë stakimi i fidrit që furnizon qytetin me energji, ndërsa dëmët sipas specialistëve janë të shumta. Kabina që ndodhet ngjitur me pallatet është shkrumbuar thuajse plotësisht,ndërsa për riparimin e defektit dhe për pasojë kthimin e energjisë për popullatën kërkohen shumë ditë.