Lezhë/ Kultivuan kanabis në magazinë dhe në një sipërfaqe buzë lumit Drin, 2 në pranga, një në kërkim (Emrat)

 

Një tjetër parcelë me kanabis është zbuluar në Lezhë nga kontrolli me dronë. Në pranga ka rënë Erbardh Gjeloshi, 36 vjec ndërsa është shpallur në kërkim, Erjon Mirukaj, 32 vjec.

Në fshatin Gocaj, njësia administrative Balldre, u zbuluan fidanë të dyshuar narkotikë, bimë të dyshuara në proces tharjesh si dhe bimë në formë bocesh në një ambient të mbyllur, të përshtatur si magazinë.  

Gjithashtu, në vijim të operacionit, në një sipërfaqe toke buzë lumit Drin, në njësinë administrative Kallmet, janë gjetur bimë të dyshuara narkotike, që dyshohet se janë kultivuar nga Erbardh Gjeloshi.

Gjithashtu, në vijim të veprimeve procedurale për këtë operacion, u arrestua në flagrancë Marcelo Cali, 24 vjeç, banues në Balldre, për veprën penale "Moskallëzim krimi", si dhe u procedua penalisht në gjendje të lirë shtetasi Gjon Nikolla, 55 vjeç, banues në Gocaj, me detyrë kryetar i fshatit Gocaj, për veprën penale "Shpërdorimi i detyrës".

Materialet procedurale i kaluan Prokurorisë pranë Gjykatës së Rrethit Gjyqësor Lezhë, për veprime të mëtejshme.

Lajmi kryesor:

Goditen parcelat me kanabis në Vlorë dhe Lezhë, kultivuan lëndë narkotike edhe pranë lumit Drin! Arrestohen 4 persona, një në kërkim (Emrat)

A.M./r.k./Shqiptarja.com

TAG:
• Vlore
• Arrestime
• kanabis
• Reoland Cacaj
• Drilon Ademaj
• Erjon Mirukaj
• Erbardh Gjeloshi
• Gjon Nikolla
• Marcelo Cali