Ky është autobuzi që ka zgjedhur Drejtoria Arsimore në Lezhë për të transportuar mësuesit e fshatit Torovicë.

autobuzi dar

Por automjeti është i detyruar që të ik bosh, pasi mësuesit kanë zgjedhur një tjetër autobuz për të udhëtuar. Drejtoria e Arsimit në Lezhë ka vendosur që të jetë ajo diktuesja e mjetëve të transportit me të cilat duhet të lëvizin mësuesit dhe nxënësit në të gjithë qarkun e Lezhës. 

Drejtori i Arsimit në Lezhë Bardhok Pulaj në kuadër të kësaj problematike ka organizuar mbledhje me mësuesit ndërsa e shpegon kështu situatën. “Të gjithë mësuesit dhe nxënësit që kanë nevojë për transport, transportohen nga mjetet e kësaj kompanie dhe askush tjetër që nuk është i liçensuar për të transportuar nxënës dhe mësues nuk mund ta kryejë këtë proçes. Ka patur probleme në zonën e Torovicës por sot për këtë arsye erdhëm këtu. Kanë patur pretendime dhe për mjetin e transportit që nuk është i përshtatshëm me përgjegjësin e kompanisë. Ne do të ndryshojme mjetin në mënyrë që mësuesit dhe nxënësit të udhëtojnë në mënyrë komode dhe normale”, shprehet Pulaj.

Dedë Seferi, pronari i autobuzit që prej 3 muajsh transporton mësuesit dhe që disponon çdo dokument të rregullt thotë se kompania e kontraktuar nga Drejtoria Arsimore është shfaqur disa ditë pasi mësimi ka nisur. Sipas tij Drejtoria e Arsimit nuk duhet të ushtrojë presion ndaj mësuesve dhe se do të ndjek çështjen deri në kryeministri.

autobuzi i mesuesve

Mësuesit hezitojnë të flasin për këtë problem, por zgjidhja që ata bëjnë duke udhëtuar me autobuzin e përzgjedhur prej tyre është përgjigjja që në fakt i japin Drejtorise Arsimore prej së cilës varen.
 
Redaksia Online
(u.s/shqiptarja.com)