POP 5

Lajmet më të lexuara të 5 minutave të fundit

Arkiva

Lezhë, përplasja Topi-Berisha
Presidenca: Sjellje e padenjë

Bashkia e Lezhës kishte ftuar kreun e shtetit të merrte pjesë në aktivitetin e 568 vjetorit të Besëlidhjes. Presidenti kishte konfirmuar praninë dhe mbajtjen e fjalës së tij në këtë aktivitet. Por në minutën e fundit presidenca është njoftuar me protokoll shtetëror se nuk do të jetë presidenti Topi që do të mbajë fjalën por kryeministri. Reagon presidenca: Iu mohua e drejta e fjalës, sjellje e padenjë, mungesë respekti. (Në foto: Berisha, Basha e Topalli sot në kremtimet e përvjetorit të Beslidhjes)
Tubimi, AK: Gjergj me ty fituam, por me këta humbëm
FOTO - Berisha, Basha e Topalli në Lezhë
Beslidhja, Berisha në Lezhë:Do integrohemi ne BE
TIRANE- Presidenti Topi përplaset me kryeministrin Berisha. Kreu i shtetit  nuk mori pjesë në aktivitetin që u zhvillua sot paradite në Lezhë për 568 vjetorin e Besëlidhjes, ku ishte i pranishëm dhe kryeministri Berisha.  Presidenti Topi ishte ftuar në aktivitet dhe për të mbajtur fjalën e rastit, nga Bashkia e Lezhës dhe gjithçka ishte konfirmuar me protokoll shtetëror. Por në minutën e fundit presidenca është vënë në dijeni me një njoftim të dytë, nga protokolli shtetëror se nuk do të jetë presidenti Topi që do të mbajë fjalën por kryeministri. Drejtoria e Informimit Publik e Institucionit të Presidentit të Republikës reagoi ashpër duke e cilësuar veprimin mungesë respekti, shkelje flagrante të protokollit shtetëror dhe mohim i fjalës.
 "Duke e konsideruar këtë akt përjashtues, si sjellje të padenjë zyrtare, si shkelje flagrante e normave të Protokollit të Shtetit, si mungesë respekti për institucionet e shtetit, për qytetarët e Lezhës si dhe për ngjarjen historike të cilën përkujtojmë sot, Presidenti nuk mund të bëhej pjesë formale e prezencës në këtë ceremoni."- nënvizohet në reagimin e presidencës.

Ndërkohë nga Tirana Presidenti Topi përcolli për popullin shqiptar atë mesazh të cilin duhej ta kishte përcjellë nga qyteti i Lezhë. Aty ku 568 vjet më parë Skënderbeu dhe fisnikë shqiptarë vendosën të krijonin shtetin e tyre, ndërsa sot, 568 vjet më pas, mungoi kreu i shtetit, dhe në vend të tij fjalën e rastit e mbajti kryeministri Berisha.Festa e sotme niste vargun e gjatë të aktiviteteve për nder të 100-vjetorit të shtetit modern shqiptar, ku kreu i shtetit, sipas presidences, nuk u lejua të mbante fjalën e tij.

REAGIMI I PRESIDENCES
Drejtoria e Informimit Publik e Institucionit të Presidentit të Republikës sqaron se: “Presidenti i Republikës, Prof. Dr. Bamir Topi ka marrë ftesën zyrtare nga Bashkia Lezhë për të marrë pjesë në ceremonitë zyrtare në përkujtim të 568-vjetorit të Kuvendit të Lezhës.

Në përputhje me legjislacionin, praktikat dhe rregullat protokollare të shtetit shqiptar më datë 1 mars 2012, Presidenti i ka konfirmuar pjesëmarrjen e tij dhe fjalën përshëndetëse Drejtorisë së Protokollit të Shtetit, e cila gjithashtu është shprehur dakord me këtë praktikë.

Në prag të ceremonisë, më datë 2 mars 2012, Kabineti i Presidentit të Republikës ka marrë një njoftim të dytë nga Protokolli i Shtetit, sipas të cilit Presidentit i mohohet e drejta e fjalës dhe e përshëndetjes në këtë ceremoni.

Duke e konsideruar këtë akt përjashtues, si sjellje të padenjë zyrtare, si shkelje flagrante e normave të Protokollit të Shtetit, si mungesë respekti për institucionet e shtetit, për qytetarët e Lezhës si dhe për ngjarjen historike të cilën përkujtojmë sot, Presidenti nuk mund të bëhej pjesë formale e prezencës në këtë ceremoni.

Në këto rrethana, Presidenti e gjykon të nevojshme që në përvjetorin e 568-të të Kuvendit të Lezhës dhe të nisjes së festimeve zyrtare për 100-vjetorin e shtetit shqiptar, të komunikojë me qytetarët e Lezhës dhe të gjithë Shqipërisë me mesazhin, të cilin në rrethana normale të një vendi demokratik, do të duhej të lexohej në ceremoninë solemne në Lezhë.”

(sg/aq/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Afera Partizani/ Iu refuzua shfuqizimi i masës së sigurisë, Kushtetuesja zbardh vendimin për Jamarbër Malltezin

Afera Partizani/ Iu refuzua shfuqizimi i masës së sigurisë, Kushtetuesja zbardh vendimin për Jamarbër Malltezin

15 Janar, 18:50