Lezhë, qentë endacakë e problemet
që shkaktojnë, nis trajtimi i tyre

Qentë endacakë ishin bërë një shqetësim serioz për qytetarët e Lezhës. Por pas ankesave të tyre, prej pak ditësh ata janë kapur nga një subjekt i kontraktuar nga Bashkia e Lezhës, për t’u izoluar më pas në ambiente të posaçme.
 
Specialisti veterinar ne bashkinë e Lezhës Gjovalin Kaceli ka bërë të ditur se numri i këtyre qenve ka qenë tejet i lartë, por ka konfirmuar se situata do të përmirsësohet ndjeshëm.
 
Ai foli për fazat që do të ndiqen për neutralizimin e rrezikut që vjen nga qentë endacakë.

“Kjo nisëm do të bëhet me kapjen e qenve dhe trajtimin e tyre. Do kapen, do të sterilizohen, vaksinohen, mjekohen për sëmundje të ndryshme dhe në rastet kur paraqesin rrezikshmëri do përdoret dhe metoda e outonazisë, në raste shumë të veçanta” tha ai. 

Pas mjekimit, sterilizimit dhe më pas vaksinimit, pritet që qentë të rrugës të mos përbëjnë më rrezik për komunitetin.


Redaksia Online
(F.T/shqiptarja.com)