Mediat libaneze pretendojnë se avionët që kryen sulmet në lagjen Basta të Bejrutit, duke shkaktuar vdekjen e të paktën 16 personave, lëshuan "bunker busters", municione që mund të depërtojnë nën tokë (shpërthejnë dy herë, një herë për të krijuar të çarë në murin e bunkerit, dhe një herë pasi depërtojnë brenda bunkerit).
Sipas medias izraelite Times of Israel, objektivi i sulmit masiv në Bejrut ishte oficeri i lartë i Hezbollahut, Talal Hamiya. Ai u emërua kreu i divizionit të operacioneve të grupit terrorist pasi Izraeli vrau Ibrahim Aqili, kreun e operacioneve ushtarake të Hezbollahut, në një sulm më 20 shtator.
Nga ana tjetër, Forcat e Mbrojtjes të Izraelit (IDF) kanë fajësuar Hezbollahun për sulmin që çoi dje ( 22 nëntor 2024) në plagosjen e 4 ushtarëve italianë që janë pjesë e misionit të OKB-së në Liban, UNIFIL.
Sa i përket luftës në Rripin e Gazës, si pasojë e sulmeve të kryera nga Izraeli gjatë natës, janë shënuar 19 të vdekur, përfshirë disa fëmijë.
Këtë e bëri të ditur zëdhënësi i Mbrojtjes Civile të enklavës palestineze, e cila është nën kontrollin e Hamasit, Mahmud Bassal .
“Nëntëmbëdhjetë njerëz u vranë dhe më shumë se 40 u plagosën në tre masakra të shkaktuara nga sulmet ajrore izraelite në Rripin e Gazës midis mesnatës dhe mëngjesit të sotëm”,- tha Bassal.
Lloyd Austin
Sekretari amerikan i Mbrojtjes, Lloyd Austin, ka telefonuar ministrin izraelit të Mbrojtjes Israel Katz, lidhur sulmet e ushtrisë së shtetit hebre ndaj UNIFIL në Liban.
Pentagoni njofton se gjatë bisedës telefonike, Austin i ka kërkuar Katz të marrë masa për të mos cënuar Forcat e Armatosura Libaneze dhe UNIFIL, si dhe ka theksuar angazhimin "e palëkundur" të Shteteve të Bashkuara për sigurinë e Izraelit.
Gjithashtu, sekretari amerikan i Mbrojtjes ka nënvizuar se Uashingtoni po punon për të arritur një "zgjidhje diplomatike" që lejon civilët izraelitë dhe libanezë të kthehen në shtëpitë e tyre në të dy anët e kufirit.
josep Borrrell
"Vendimi i GJNP-së" për lëshimin e urdhër-arrestit kundër kryeministrit izraelit Benyamin Netanyahu dhe ish-ministrit të mbrojtjes Yoav Gallant "nuk ka të bëjë me antisemitizmin dhe nuk është një vendim politik. Jam i alarmuar nga politizimi ekstrem i reagimeve ndaj Gjykatës vendim”.
Kështu wshtw shprehur Përfaqësuesi i Lartë i BE-së, Josep Borrell.
“Dua të ngre zërin në mbështetje të Gjykatës Ndërkombëtare Penale dhe të kujtoj se vendimet e saj janë të detyrueshme për vendet e BE-së”, ka përsëritur spanjolli.
Bejrut, Liban
Sipas medias libaneze al Jadeed , numri i të vdekurve në sulmin e mbrëmshëm izraelit (23 nëntor 2024) në Bejrut, është rritur në 16.
Lajme të tjera
-
Planet e administratës Trump për t’i dhënë fund luftës në Gazë
25 Dhjetor, 16:49 -
Krishtlindje lufte në Palestinë! Të krishterët në kërkim të shpresës, Betlehemi kthehet në një qytet të trishtuar
25 Dhjetor, 12:54 -
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 16:06 -
Izraeli kap një raketë nga Jemeni, u lëshua pas kërcënimit të ministrit izraelit
24 Dhjetor, 15:28 -
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 14:17 -
Izraeli pranon për herë të parë vrasjen e liderit të Hamasit, Haniyeh: Të njëjtin fat do ketë edhe udhëheqja e Houthis
24 Dhjetor, 07:21 -
Agjentët e Mossad-it zbulojnë detaje nga operacioni i shpërthimit të pajisjeve të komunikimit të Hezbollahut
23 Dhjetor, 16:45 -
Prag Krishtlindjesh, Papa Françesku bën thirrje për armëpushim në Gaza dhe Ukrainë
22 Dhjetor, 15:32 -
Jemeni sulmon Izraelin me raketë, 16 të plagosur në Tel Aviv!
21 Dhjetor, 22:50 -
U kritikua nga ministri izraelit sepse kërkoi hetim për gjenocid, Papa Françesku: Bombardimet në Gaza janë mizori
21 Dhjetor, 15:46 -
Human Rights Watch akuzon Izraelin: Ka bërë gjenocid në Gaza! Ndërpreu ujin për popullsinë qëllimisht
20 Dhjetor, 12:33
-
Lufta/ Izraeli bombardon 2 shkolla në Gaza, të paktën 15 të vdekur! IDF: Shërbenin si qendra komandimi të Hamas
20 Dhjetor, 08:37
