POP 5

Lajmet më të lexuara të 5 minutave të fundit

Kosova & Rajoni

Liberalizimi i vizave, Fajon: Kujdes
me rritjen e numrit të azilkërkuesve

Eurodeputetja Tanja Fajon, konkludon se në Kosovë janë bërë hapa përpara për heqjen e regjimit të vizave.
Eurodeputetja Tanja Fajon, konkludon se në Kosovë janë bërë hapa përpara për heqjen e regjimit të vizave, por se shteti më i ri në Europë, ka akoma punë për të bërë.

Gjatë qëndrimit të saj dje në Prishtinë, ku është takuar me zyrtarë të lartë të Kosovës, eurodeputetja është shprehur se askush nuk e di me saktësi se kur kosovarët do të qarkullojnë të lirë dhe pa viza.

“E di që ka deklarata të ndryshme, por nuk jam në pozitën që sot të them se kur do të ketë regjim të lirë vizash për Kosovën. Për mua, sa më shpejt, aq më mirë do të jetë, sepse kjo është pika e fundit e zezë në hartën e Ballkanit Perëndimor.

“Por, është e pamundur sot të thuhet kur, sepse varet nga përmbushja e shumë kritereve në katër blloqe të ndryshme. Kemi informata pozitive se Kosova po bën progres, por duhet të presim për vlerësimin e marsit”, ka thënë Fajon, citon “Europa e Lirë”. 

Nga ana tjetër, Tanja Fajon ka kujtuar se në mars, në Kosovë do të vijë për herë të dytë misioni i ekspertëve, për të parë situatën nga afër mbi përmbushjen e kritereve të heqjes së vizave. Sipas Fajon, duhen pritur rezultatet e ekspertëve për të dhënë një gjykim mbi situatën.

Gjithashtu eurodeputetja ka përmendur dhe një ndër problemet e Kosovës, siç janë numri i madh i azilkërkuesve,

“Është problem serioz, pasi që është një numër i madh i qytetarëve nga Kosova që kërkojnë azil të rrejshëm dhe kjo është shqetësuese. Është e nevojshme që institucionet e Kosovës të mos lejojnë një gjë të tillë.

Këtë u kërkova ministrave që të luftojnë kundër kësaj, sepse sot më shumë se kurrë, na duhen argumente të mira se kriteret janë përmbushur, se gjithçka është bërë mirë dhe për të siguruar se qytetarët nuk do të abuzojnë apo do të ikin nga Kosova pas liberalizmit”, është shprehur Fajon.

Gjatë qëndrimit të saj në Prishtinë, Tanja Fajon është takuar edhe me zyrtarë të Ministrisë së Integrimit dhe ato të Punëve të Brendshme, ku është biseduar mbi shpejtimin e heqjes së vizave.


 (a.k/shqiptarja.com)
 
 

/Shqiptarja.com
  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze