POP 5

Lajmet më të lexuara të 5 minutave të fundit

Bota

Libi, raketa franceze në duart e rebelëve të Khalifa Haftar, Parisi mohon shkeljen e embargos

Cili është roli i vërtetë i Francës në Libi? Ministria franceze e Mbrojtjes flet për raketa të dëmtuara dhe jashtë përdorimit, të destinuara për të mbrojtur një njësi ushtarake franceze anti-terroriste dhe të depozituar përkohësisht për çmontimin

Libi, raketa franceze në duart e rebelëve të Khalifa Haftar, Parisi mohon shkeljen e embargos

Orë të sikletshme po kalon presidenca e Macron pas zbulimit të katër raketave franceze anti-tank në Gharian, në një bazë të humbur nga forcat rebele të Khalifa Haftar, 100 kilometra larg nga Tripoli.

Lajmi i bujshëm fillimisht u shpërnda nga New York Times që, duke raportuar përfundimet e një hetimi të Pentagonit, kishte zbuluar praninë e këtyre armëve, të shitura nga Shtetet e Bashkuara në Francë në vitin 2010.

Megjithatë, Ministria e Mbrojtjes franceze ka folur për raketa të dëmtuara dhe jashtë përdorimit, të destinuara për të mbrojtur një njësi ushtarake franceze anti-terroriste dhe të depozituar përkohësisht për çmontimin.

Pavarësisht sqarimit, disa pyetje për raketat franceze ende mbeten. Pse atëherë nuk u shkatërruan? Si ranë në duart e Haftarit? A ka shkelur Franca embargon e armëve të OKB-së ndaj Libisë?

Rasti i zbuluar ngre dyshime ndaj Parisit, i akuzuar shpesh për mbështetje të Qeverisë së Unitetit Kombëtar të udhëhequr nga Fayez al-Sarraj, e mbështetur fshehurazi nga Haftari.

Forcat e gjeneralit Haftar aktualisht po luftojnë për kontrollin e qytetit. Beteja për Tripolin nisi kur forcat e gjeneralit Haftar filluan një sulm në muajin prill.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • adamo311: 12/07/2019 04:02

    Franca ka shkelur embargon??? Franca kriminele??? JO,JO,JO...Franca nuk bene gjera te tilla! Ju mund te theksoni se Franca i ka shitur (dhuruar) Iranit centrifugat per pasurimin e URANIUM-it, por shumen prej 150.000.000.000 (miliardeve, 1.800.000.000 $ in CASH) kane grumbulluar USA-Obama, GB-Cameron, GER-Merkel, e aleatet e tyre, ne menyre qe ISIS te lufton pa-nderprere dhe destabilizon rajonin!!! Kjo eshte nje arsyje perse mediat e luftojn POTUS-in!!! Pershendetje.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça