LIBRAZHD - Qendrës mjekësore të fshatit Qukës në Librazhd dhe 12 fshatrave të zonës iu dhurohen pajisje mjekësore. 

Ka qenë Kisha amerikane e Jezu Krishtit të Shenjtorëve të Ditëve të Mëvonshme, e cila ka dhuruar për to sot disa pajisje të domosdoshme mjekësore si: një ECG për zemrën, 4 otoskopë, 12 aparate tensioni me zhivë, 12 aparate matës të glukozës në gjak, dmth të diabetit, 5 rafte për vendosjen e kartelave mjekësore.

Shefi i klinikës, doktor Sefer Malo dhe katër mjekë të tjerë e infermierë, që mbulojnë me shërbim 12 qendrat shëndetësore pranuan pajisjet, duke falenderuar, pasi siç u shpreh doktor Malo "tek ne në disa raste mungojnë edhe këto pajisje elementare dhe të domosdoshme”.

Qukësit dhe fshatrat rreth tij kanë një popullsi prej rreth 11.000 banorësh.

qukes
(Në foto: Personeli mjekësor në Qukës dhe drejtues të Kishës Amerikane që bënë dhurimin e pajisjeve mjekësore).

qukes
(Në foto: Sirtarët e dhuruar, ku do të vendosen kartelat mjekësore).

Redaksia Online
(mag/shqiptarja.com)