Rruga 5 kilometër e gjatë e nisur vjeshtën e vitit që shkoi është parashikuar që të përfundojë brenda muajit tetor.
Ky projekt është një tjetër investim i Fondit të Zhvillimit të Rajoneve, në kuadër të Programit Rilindja Urbane me një vlerë 160 milionë lekë.
Ministrja Gjermeni u shpreh se ky projekt u shërben të gjithë banorëve të fshatit Dragostunjë dhe është një tregues se Qeveria Shqiptare, nëpërmjet Fondit të Zhvillimit të Rajoneve, përveç investimeve në qendrat urbane, ka financuar realizimin e projekteve te infrastrukturës urbane edhe në zonat rurale.
Deputeti Balla përgëzoi investimet e kryera nga Fondi i Zhvillimit të Rajoneve, për periudhën 2014 – 2016.
Të shtatë projektet e realizuara deri më tani në këtë bashki, i kanë dhënë një impuls të ri zhvillimit ekonomik dhe social të kësaj zone.
(Ministrja Eglantina Gjermeni, Kryetari i Bashkise së Librazhdit Gurra dhe Deputeti Taulant Balla, inspektuan punimet)
d.b/shqiptarja.com