POP 5

Lajmet më të lexuara të 5 minutave të fundit

‘Ligjet’ miratojnë shtyrjen e afatit për dorëzimin e deklaratës individuale të të ardhurave! Vjerro: Nga dorëzimi i deklaratës fitojmë 1.2 mld lekë

Është miratuar në Komisionin e Ligjeve shtyrja e afatit për dorëzimin e deklaratën individuale të ardhurave për të dy-punësuarit dhe ata që marrin mbi 2 milionë lekë në vit. Shtyrja sipas financave ka si shkak paqartësitë në plotësimin e deklaratës dhe pengesat e shkaktuara nga pandemia.

Komisioni i Ligjeve ka miratuar aktin normativ për shtyrjen e Afatit për të gjithë qytetarët që kanë për të dorëzuar deklaratën individuale të të ardhurave (DIVA). Bëhet fjalë për ata persona që gjatë 2020 kanë punuar në më shumë se një punë dhe ata që marrin 2 milionë lekë të ardhura në vit. Kjo deklaratë që duhej dorëzuar deri në 30 prill, shtyhet për në 30 qershor. E pranishme në komisionin e Ligjeve, zëvendësministrja e Financave Vasilika Vjerro shpjegoi arsyet e shtyrjes.

“Ne jemi ende në mesin e një pandemie dhe kemi propozuar që këto afate të shtyhen në kohë për t’ju dhënë më shumë mundësi dhe hapësirë individëve për të kryer këto pagesa dhe jo me një shpejtësi shumë të madhe, për tu orientuar më mirë dhe për të marrë informacionin nga administrata tatimore për të ditur se si bëhet deklarata dhe më tej edhe pagesa”, u shpreh Vjerro.

Për herë të parë deklarata do të plotësohet edhe nga ata persona që kanë bërë më shumë se një punë vitin e kaluar. Plotësimi i deklaratës sjell rritje të kostove për qytetarët pasi do të kryhet rivlerësimi i tatimit që kanë paguar për pagat e ndara në vitin e kaluar.

“Sot ne kemi për herë të madh deklaruesish janë rreth 64 mijë individ që janë të dypunësuar por edhe më shumë që kanë të ardhura nën 2 milionë lekë që do të duhet të plotësojnë deklaratën për herë të parë, dhe në rast se ata do të rezultojnë me pagesë do ta paguajnë edhe atë. Ne presim që të kemi një arkëtim në masën 1.2 miliardë lekë, ku vetëm nga të dypunësuarit do të arkëtohen 900 milionë lekë”, u shpreh zëvendësministrja e Financave.

Konkretisht të gjithë personat që kanë marrë 2 paga nga 30 mijë lekë në punët që kanë kryer dhe që deri dje nuk kanë paguar tatim (pasi deri në këtë fashë nuk paguhet) tashmë pagat do të bashkohen dhe do paguajnë 13% për totalin që është 60 mijë lekë. E njëjta gjë ndodh edhe për personat që për dy pagat kalojnë pragun e 1.5 milionë lekëve, dhe do të duhet të paguajnë 23% tatim, duke bërë që tu rriten kostot automatikisht.

Individët do të gjobiten me 5 mijë lekë si dhe do të rritet kamatëvonesa nëse nuk plotësojnë deklaratën dhe nuk paguajnë në kohë detyrimet shtesë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet që Basha e Berisha të garojnë me kandidatë të përbashkët në zgjedhjet e pjesshme vendore?

Lajme të tjera



×

Lajmi i fundit

John

Presidenti Ilir Meta: Nëse shkarkohem, do e ankimoj vendimin e Gjykatës Kushtetuese! Do bojkotoj seancën

26 Janar, 22:00