TIRANE- Bizneset, institucionet dhe të gjithë ata persona të cilët administrojnë ambientet publike të mbyllura duket se i janë bindur ligjit antiduhan që në ditën e parë kur ai ka hyrë në fuqi. Nëse ti hyn në një prej bareve apo restoranteve dhe në tavolinë nxjerr paketën e cigares, kamerierët, menaxherët apo edhe vetë pronarët të paralajmërojnë se “këtu nuk lejohet duhani”. Për ato lokale ku ka ambiente të hapura të sugjerojnë që mund të tymosësh jashtë, ose në të kundërt duhet t’i bindesh ligjit.