Ligji i mbetjeve, LSI amendament:
Shoqëria civile të monitorojë procesin

Kryetari i grupit parlamentar të Lëvizjes Socialiste për Integrim ka dorëzuar sot në Kuvend një amendament për ligjin e importit të mbetjeve.

Sipas relacionit shpjegues të amendamentit, LSI thotë se duhet monitorim në dogana për kontrollin dhe zhdoganimin e mbetjeve nga ana e organizatave të shoqërisë civile.

Sipas Vasilit, qëllimi i ndryshimeve të propozuara në ligj, është importimi i mbetjeve të ngurta jo të rrezikshme të listës së gjelbër si lëndë e parë dytësore, për të plotësuar nevojat e industrisë ricikluese të vendit, për qëllime riciklimi dhe përdorimi si zëvendësues të lëndëve të tjera nga burime jo të rinovueshme, që përdoren nga industria.