Ligji për Teatrin Kombëtar/ Katër deputetët e shumicës që nuk e votuan dhe arsyet

Shumica miratoi ligjin për teatrin mbrëmjen e sotme mes debatit dhe tensionit. Kryeministri zgjodhi që të mos flasë sot në Kuvend, pavarësisht akuzave nga opozita, ndërsa projektligji ishte firmosur nga zv/ kryeministrja Mesi. Pas votimit situata u tensionua, pasi opozita e qëlloi me kartonë kryeministrin.

Ligji mori 75 vota nga 79 që ka shumica, pasi 4 nuk ishin të pranishëm. Ata që munguan ishin; Pandeli Majko, Spartak Braho, Paulin Sterkaj dhe Reme Lala. Majko u largua duke mos marrë pjesë në votim, ndërsa nga PD u aludua se ishte një votë kundër, pasi në 2002 kur ishte kryeministër kundërshtoi projektin për shembjen e teatrit.

Përsa  u përket tre deputetëve të tjerë që nuk ishin në Kuvend, Braho dhe Sterkaj janë në spital, pas problemeve shëndetësore, ndërsa nuk dihet arsyeja e mungesës së Reme Lalës. Ndërkohë që sonte vullnetit të shumicës iu bashkua edhe ish-deputeti i LSI, Bitri, pasi nuk u largua nga salla, por votoi ligjin.  Robert Bitri pak ditë më parë u regjistrua si deputet i pavarur, pas disa seancash mosbindje ndaj bojkoteve dhe vendimeve të grupit të LSI.

LEXO EDHE:
Pse disa vende arabe po e ndihmojnë Izraelin kundër Iranit?

TAG:
• seanca e kuvendit 5 korrik 2018

Sondazhi i ditës:

Basha akuzon se ka aleancë PS-Rithemelimi kundër SPAK, e besoni?

• Po

  30.8%

• Jo

  61.9%

• Nuk e di

  7.3%

Vota total: 4178

• Sondazhi i ditës:

  Basha akuzon se ka aleancë PS-Rithemelimi kundër SPAK, e besoni?

  Po Jo Nuk e di