POP 5

Lajmet më të lexuara të 5 minutave të fundit

Politikë

Ligji urbanistik, kritika brenda
mazhorancës, Vasili: A duhet një i ri?

Ministrja e Zhvillimit Urban dhe Turizmit, Eglantina Gjermeni, raportoi në Komisionin e Ligjeve për projektligjin për zhvillimin e territorit. Anëtari i Komisionit të Ligjve, Bashkim Fino ka sugjeruar se para sjelljes së ligjit urbanistik do të duhej të mbyllej i gjithë procesi i legalizimeve. VIDEO
Ligji urbanistik, kritika brenda<br />mazhorancës, Vasili: A duhet një i ri?
TIRANE - Projektligji për “Planifikimin dhe Zhvillimin e Territorit” ka marrë kritika nga deputetët brenda mazhorancës. Gjatë shqyrtimit në Komisionin e Ligjeve relatori i këtij projektligji, Bashklim Fino, sugjeroi që ligji i ri të vinte pas legalizimeve, ndërsa për deputetin e Lëvizjes Socialiste për Integrim, Petrit Vasili, argumentet për të bërë një ligj të ri nuk qendrojnë. 

“Ne dimë që ligjet e urbanistikës vuajnë nga aktet nënligjore. Do doja që rregullorja e urbanistikës të bëhet paralelisht me ligjin. Pra aktet nënligjore të bëhen në kohë. Nuk duam që ligji të ketë fatin e 2009. Mos do ishte mirë që të mbaronin legalizimet dhe pastaj ta sillnim ligjin?”, - tha Fino.

Por ministrja e Zhvillimit Urban dhe Turizmit, Eglantina Gjermeni, e cila prezantoi këtë projektligj u shpreh se nevoja për këtë ligj të ri ka ardhur si kërkesë e grupeve të interesit, pasi ligji i vjetër ishte i pazbatueshëm, i pakuptueshëm dhe linte vend për informalitetet.  “Veç defekteve, -tha Gjermeni, -ligji nuk është zbatuar nga faktori politik.

Ministrja Gjermeni garantoi se kur ky ligj të hyjë në fuqi do të jenë gati aktet nënligjore duke e bërë atë të zbatueshëm plotësisht. Sipas saj do të garantohet transparencë dhe gjithëpërfshirje duke mos përsëritur gabimet e shkuara. 

“Është marrë parasysh reforma territoriale, madje jemi treguar të kujdesshëm. Jam dakort që të vendoset një afat konkret. Kemi kufizuar ndërtimet pa leje. Kërkesa juaj që ligji të vinte pasi të mbylleshin legalizimet mbase do ishte e drejtë”, tha ministrja Gjermeni.

Megjithatë, ndonëse pa praninë e opozitës, debatet dhe batutat në radhët e mazhorancës nuk kanë munguar, madje deri në largimin e deputetit fino . Deputeti socialist Bashkim Fino ka lënë sallën pasi kreu i komisionit të Ligjeve Fatmir Xhafaj i dha fjalën Armando Subashit, ndërsa e kishte kërkuar Fino.
 
Pjesë nga debatet:
 
Bashkim Fino: Unë relator dhe s’më jep fjalën, vazhdojeni vet
Blendi Klosi: Hë moj Eglantina çna bërë?
Eglantina Gjermeni: Pse dhe për këtë unë e kam fajin???
 
Komisioni për Çështjet Ligjore i tha “po” këtij projektligji vëtëm me votat e shumicës.
 
Redaksia Online
(Gre.M/Shqiptarja.com)

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kosova mbyll dy ndërmarrje publike serbe në veri! Sveçla: Grumbullonin pagesa në mënyrë të paligjshme!

Kosova mbyll dy ndërmarrje publike serbe në veri! Sveçla: Grumbullonin pagesa në mënyrë të paligjshme!

26 Dhjetor, 21:13