POP 5

Lajmet më të lexuara të 5 minutave të fundit

Kosova & Rajoni

Limaj-Thaçit: Kujdes me deklaratat për korrigjimin e kufirit

Pas “shigjetimit” nga ana e Ramush Haradinaj, edhe zëvendëskryeministri, Fatmir Limaj ka dalë kundër Thaçit. Limaj i ka bërë thirrje presidentit të ketë kujdes me deklaratat e tij rreth korrigjimit të kufirit me Serbinë.
Limaj-Thaçit: Kujdes me deklaratat për korrigjimin e kufirit

Fatmir Limaj

Pas “shigjetimit” nga ana e kryeministrit të Kosovës, Ramush Haradinaj, edhe zëvendëskryeministri, Fatmir Limaj ka dalë kundër deklaratave të Presidentit Hashim Thaçi. Limaj i ka bërë thirrje presidentit Thaçi që të ketë kujdes me deklaratat e tij rreth korrigjimit të kufirit me Serbinë dhe bashkimin me Luginën e Preshevës.

Unë jam kundër deklarimeve që po i shoh, që kanë tendenca dhe këto deklarime prishin unitetin dhe zbehin besimin dhe kredibilitetin. Apeli jem është edhe presidentit, kujdes, mos e humb kredibilitetin, mos e zbeh edhe më shumë besueshmërinë dhe kredibilitetin e institucioneve të Kosovës.

Ka deklaruar Limaj, në një intervistë për Ekonomia Online

Zëvendëskryeministri Limaj, që dikur e kishte Thaçin kryetar partie, vlerëson se deklarata të tilla nuk I shërbejnë stabilitetit dhe bien ndesh me rolin e Thaçit si drejtues i një institucioni të rëndësishëm i shtetit të Kosovës.

Askush s’ka të drejtë të nxjerrë këso deklaratash, aq më tepër drejtues të institucioneve, përderisa ky vend e ka një kushtetutë, një Parlament, derisa ky vend funksionon mbi bazën e një rregulli kushtetues si shtet i pavarur. Ftesa ime përsëri është, kujdes. Tendenca për të krijuar një opinion, paraprakisht është tendencë e gabuar. Mua nuk po më pëlqejnë këto deklarime, këto mënyra që janë në kundërthënie me njëra-tjetrën, herë flasin për shkëmbime, herë s’ka ndarje, gjëra krejt të panevojshme, aq më tepër nuk guxojnë të bëhen nga institucionet shtetërore.

Fatmir Limaj

Ai u shpreh se faza finale e dialogut e cila pritet të përfundojë me një marrëveshje ligjërisht të obligueshme mes Kosovës dhe Serbisë, nuk mund të zhvillohet nga ndonjë individ, por nga një ekip.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Karadakliu: 05/08/2018 11:05

    Mos u shtir, sikur do i japish leksion Thacit.Ti nuk je askund afer, e as i perafert me Thacin.Thaci e Kadriu te ofruan edhe njehere ne sofer e ode burrash, se ti nuk meriton as ne trapazanin e odes te ulesh.

    Përgjigju
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Bulqizë/ 29-vjeçari humb kontrollin e automjetit dhe përplaset me kollonën e mbikalimit, i riu në gjendje të rëndë shëndetësore (EMRI+VIDEO)

Bulqizë/ 29-vjeçari humb kontrollin e automjetit dhe përplaset me kollonën e mbikalimit, i riu në gjendje të rëndë shëndetësore (EMRI+VIDEO)

16 Janar, 16:50