Vladimir Kolaj që shohim në foto është shqiptari i arrestuar pak ditë më parë nga policia italiane si pjesë e grupit që transportonte me avionë drogë nga Shqipëria në Itali.

Shtypi italian krahsas listës së shqiptarëve të përfshirë në këtë grup i ka bërë jehonë edhe jetës luksoze të 30 vjecarit shqiptar, i cili kishte në pronësi një bar të quajtur “Ladi” që mes të tjerash shërbente si pikë takimi e trafikantëve.

Lokali administrohej nga gruaja e tij Gina Manole e cila po ashtu është arrestuar.

Sipas të përditshmeve 30 vjecarit pak i interesonte nëse bashkëpunëtorët e tij ndodheshin në burg pasi ai bënte një jetë luksoze.

Cifti bënte një jetë të bukur, lëvizte me limuzinë, organizonte festa luksoze, e ngrinte dolli me shampanjë Dom Peringon dhe konsumonin suhqim të zgjedhur.

Sipas fqinjëve, Vladimir Kolaj, së bashku me bashkëshorten e tij rumune gëzonin një respekt të madh te banorët e zonës dhe konsideroheshin si prindër shembullorë.

Redaksia online
(S.m/shqiptarja.com)