Qindra mijëra njerëz kanë mbajtur një tubim në Tel Aviv, përpara lirimit të pritur të pengjeve izraelite nga Hamasi. Duke iu drejtuar turmave, i dërguari special i SHBA-së, Steve Witkoff, tha se pengjet “po kthehen në shtëpi” dhe vlerësoi Donald Trump për bërjen e mundur të një armëpushimi në Gaza dhe një marrëveshjeje për kthimin e pengjeve.

Turma bërtiti "Faleminderit, Trump!", por edhe fishkëllyen kur Witkoff përmendi kryeministrin izraelit Benjamin Netanyahu.

Në Gaza, zyrtarët palestinezë thanë se rreth 500,000 njerëz ishin kthyer në Gazën veriore, e cila shtrihet në rrënoja në dy ditët e fundit, pas tërheqjes së trupave izraelite.

Lirimi i pengjeve izraelite të mbajtura në Gaza do të bëhet në dy faza, grupi i parë pritet në orën 7:00 të mëngjesit, i dyti një orë më vonë, raportuan mediat izraelite. 

Egjipti konfirmoi se do të organizojë një samit ditën e hënë për të finalizuar një marrëveshje që synon t'i japë fund luftës. Më shumë se 20 udhëheqës, përfshirë Trump, do të marrin pjesë në samitin në Sharm El-Sheikh, tha një zëdhënës i presidencës egjiptiane. Presidenti francez Emmanuel Macron dhe kryeministri i Mbretërisë së Bashkuar Sir Keir Starmer konfirmohen se do të udhëtojnë për në Egjipt sot. Ndërkohë nga Izraeli nuk do të ketë asnjë përfaqësues. Lajmin e bëri me dije zëdhënës i kryeministrit Benjamin Netanyahu.

Trump pritet të vizitojë Izraelin ditën e sotme përpara se të shkojë në Egjipt. Vajza e tij Ivanka dhe dhëndri Jared Kushner mbajtën gjithashtu një fjalim në tubimin në Tel Aviv ditën e djeshme.

Sipas marrëveshjes së armëpushimit dhe lirimit të pengjeve të njoftuar të enjten, Hamasit iu dhanë 72 orë - deri në orën 12:00 sipas orës lokale të ditës së hënë, për të liruar të 48 pengjet që mban ende pas dy vitesh lufte, 20 prej të cilëve supozohet se janë gjallë.

Ndërkohë, në Gaza kanë hyrë disa kamionë me ndihma ushqimore pasi qytetarët nisën rikthimin në qytetin e Gazas sapo ndaluan luftimet dhe hyri në fuqi armëpushimi.

Por së fundmi, nga Hamasi ka ardhur një zhvillim i papritur, duke shprehur gatishmërinë të lirojë 20 pengje izraelite, me një kusht për Izraelin. Në këmbim kërkon lirinë e disa "të burgosurve me profil të lartë palestinezë", midis të cilëve janë Marëan Barghouti dhe Ahmad Saadat. Sipas BBC-së, edhe pse Izraeli ka bërë të qartë që këta shtatë të burgosur nuk do të lirohen, Hamasi duket i gatshëm të pranojë lirimin e dy prej tyre, nga 7 të tillë.

Hamasi gjithashtu ka njoftuar se nuk di saktësisht vendndodhjen e disa trupave të pengjeve të vdekur izraelitë dhe se mund të ketë vështirësi për të respektuar afatin 72-orësh të parashikuar nga plani i Trump për dorëzimin e trupave.

Shërbimet izraelite të inteligjencës e kanë pranuar këtë situatë dhe kanë pranuar që do të nevojitet më shumë kohë për të grumbulluar trupat e viktimave.

Rendit zhvillimet sipas orarit:
Ora 21:27
Pengjet izraelite/ Hamas: Do i dorëzojmë nesër, lirimi do të bëhet në dy faza

1760163496_1222.JPG

Lirimi i pengjeve izraelite të mbajtura në Gaza do të bëhet në dy faza: grupi i parë pritet në orën 7:00 të mëngjesit, i dyti një orë më vonë, raportuan mediat izraelite. 

Hamasi ka zhvendosur pengjet izraelite në 3 lokacione të ndryshme në Gaza në prag të dorëzimit të tyre. Delegacion i Hamasit do të takohet sonte me Komitetin Ndërkombëtar të Kryqit të Kuq për të rënë dakord mbi mënyrën e dorëzimit të pengjeve, duke shtuar se procesi do të zhvillohet në tre vende të ndryshme.

S.B/Shqiptarja.com

Ora 17:05
Marrëveshja për Gazën/ Zëvendëspresidenti i SHBA: Trump dëshiron të vizitojë pengjet e liruara në spital

1760188562_kthimetnegaza.jpg

Një zëdhënës i qeverisë izraelite tha se lirimi i pengjeve të mbajtura në Gaza do të fillojë në orët e para të mëngjesit të së hënës, raporton Reuters.

Ndërkohë, zëvendëspresidenti i SHBA-së J.D. Vance konfirmoi se Donald Trump do të udhëtojë sot në Lindjen e Mesme për t'u takuar me pengjet izraelite që do të lirohen në fazën e parë të marrëveshjes së paqes midis Izraelit dhe Hamasit.

"Ne jemi shumë të sigurt se pengjet do të lirohen dhe se presidenti po udhëton në Lindjen e Mesme, ndoshta sonte në mbrëmje, për t'i takuar dhe për t'i përshëndetur ata personalisht", tha Vance në një intervistë me CBS.

Për zëvendëspresidentin e SHBA-së, Lindja e Mesme tani është në prag të paqes së qëndrueshme. Vance e quajti hapin e parë në zbatimin e marrëveshjes së paqes një ditë të madhe për familjet e pengjeve, si dhe një ditë të madhe për të gjithë botën.

S.B/Shqiptarja.com

Ora 15:45
Marrëveshja për planin e paqes/ Asnjë përfaqësues izraelit nuk do të jetë i pranishëm në Egjipt

1760276902_flamuriiizraelit.jpg

Foto: Flamuri i Izraelit

Izraeli nuk do të marrë pjesë në samitin e paqes në Gaza të planifikuar për nesër në Egjipt, të organizuar nga Presidenti i SHBA-së Donald Trump dhe homologu i tij egjiptian Abdel Fattah al-Sisi.

"Asnjë zyrtar izraelit nuk do të marrë pjesë", tha për AFP Shosh Bedrosian, zëdhënës i kryeministrit izraelit Benjamin Netanyahu.

Xh.K/Shqiptarja.com

Ora 14:23
Marrëveshja për Gazën, media: Hamasi mund të lirojë sot 20 pengje që janë ende gjallë, por ka një kusht për Izraelin

Hamasi ka informuar Izraelin se ka 20 pengje të gjallë dhe është gati të fillojë lirimin e tyre që sot, shkruan agjencia e lajmeve Wall Street Journal, duke cituar burime të njohura me çështjen.

Mesazhi, të cilin grupi palestinez thuhet se e dërgoi përmes ndërmjetësve arabë, shënon herën e parë që Hamasi ka konfirmuar se ka 20 të burgosur të gjallë izraelitë.

“Ai gjithashtu trajton pasigurinë nëse Hamasi do të jetë në gjendje të mbledhë shpejt të gjithë pengjet e gjallë, duke pasur parasysh shtetin e tij të shkatërruar dhe të fragmentuar, dhe sugjeron një afat kohor potencialisht të përshpejtuar për lirimin e tyre”, shtoi raporti.

Megjithatë sipas BBC Hamasi duket se ka një kusht për lirimin e pengjeve: në këmbim  ai kërkon lirinë e disa "të burgosurve me profil të lartë palestinezë", midis të cilëve janë Marwan Barghouti dhe Ahmad Saadat.

Sipas BBC-së, edhe pse Izraeli ka bërë të qartë që këta shtatë të burgosur nuk do të lirohen, Hamas duket e gatshme të pranojë lirimin e dy prej tyre, nga 7 të tillë.

Xh.K/Shqiptarja.com

Ora 13:14
Bisedimet për paqen në Sharm el-Sheikh/ Irani: Nuk do të marrim pjesë në takim

1759562017_flamuriiiranit.jpg

Foto: Flamuri i Iranit

Pavarësisht ftesës së marrë Irani ka njoftuar nuk do të marrin pjesë në ‘Samitin e Paqes’ të planifikuar për nesër në Sharm El Sheikh të Egjiptit, i cili mbahet për të shënuar nënshkrimin e një marrëveshjeje armëpushimi në Rripin e Gazës.

Një ditë më parë Ministri i Jashtëm i Teheranit, Abbas Araghchi, tha se Irani mbështet çdo veprim që i jep fund sulmeve të Izraelit në Gaza, por paralajmëroi për "dyshime serioze" për shkelje të armëpushimit.

Izraeli dhe Hamasi arritën një marrëveshje armëpushimi me ndërmjetësimin egjiptian. Marrëveshja hyri në fuqi më 10 tetor pas një tërheqjeje të pjesshme të trupave izraelite nga Rripi i Gazës.

Xh.K/Shqiptarja.com

Ora 09:25
Kamionët me ndihma hyjnë në Gaza, lirimi i pengjeve pritet të ndodhë të hënën. SHBA fton edhe Iranin në tryezën e negociatave

1760254091_kamiontmendihmangaza.png

Pas 737 ditë luftime të ashpra që përfshinë rajonin e Lindjes së Mesme, armëpushimi në Gaza është efektiv. Kamionit me ndihma ushqimore kanë hyrë në Gaza për t’ju shpërndarë më pas banorëve.

Ndërkohë, Hamasi ka konfirmuar se lirimi i 48 pengjeve izraelite do të nisë ditën e hënë.

Në Izrael pritet të shkojë edhe Presidenti amerikan Donald Trump, ndërsa të martën ai do të jetë në Egjipt për të marrë pjesë në bisedimet e paqes.

SHBA ka ftuar edhe Iranin, përpos disa shteteve të tjera, të marrë pjesë në bisedimet për paqen që do të zhvillohen në Sharm El-Sheikh.

Por nga ana tjetër, Hamas refuzon idenë e një çarmatimi të plotë siç parashikohet në planin e paqes së Trump, dhe synon të inkorporojë luftëtarët e saj në një forcë të përbashkët ushtarake palestineze. Pavarësisht bisedimeve ndërkombëtare, organizatat terroriste, përfshirë Hamas, refuzojnë çdo formë "tutelle të huaj" mbi Gazën pas luftës.

Pas fillimit të armëpushimit, rreth 500,000 persona të shpërngulur janë kthyer në qytetin e Gaza.