Lindja Mesme, tërmet 7.3 ballë 
mbi 135 viktima në Iran e Irak

Një tërmet i fortë me magnitudë 7.3 ka tronditur rajonin kufitar verior midis Iranit dhe Irakut, duke regjistruar viktima.

Të paktën 129 persona u vranë në Iran dhe 6 në Irak, ndërkohë 500 të tjerë u plagosën në Iranin perëndimor, thanë mediat shtetërore, me katër të tjerë të raportuar në Irak. Numri i të vdekurve ka gjasa të rritet.

Tërmeti shkaktoi panik, ndërsa banorët u largohuan nga shtëpitë e tyre duke dalë në rrugë.

Xhamitë në kryeqytetin iraken Bagdad shpërndanin lutje përmes altoparlantëve.

Shumë nga viktimat ishin në qytetin Sarpol-e Zahab, rreth 15 km larg kufirit, tha shefi i shërbimeve të emergjencave të Iranit, Pir Hossein Koolivand, sipas kanalit televiziv iranian IRINN.

Dëmtimet u raportuan në të paktën tetë fshatra, ekipet e shpëtimit u penguan nga rrëshqitja e dheut.

Tërmeti goditi 30 km në jugperëndim të Halabjes, pranë kufirit verilindor me Iranin.

Përplasja e pllakave tektonike ka ndodhur në një thellësi prej 33.9 km , ndërsa dridhjet u ndjenë në Turqi, Izrael dhe Kuvajt.

Redaksia Online
a.dr/shqiptarja.com