POP 5

Lajmet më të lexuara të 5 minutave të fundit

Bota

Linjat ajrore pezullojnë fluturimet në Izrael dhe Liban

Mungesa e sigurisë pas zhvillimeve të fundit në Lindjen e Mesme, ka bërë linjat ajrore nga SHBA-ja, Evropa dhe Azia të pezullojnë fluturimet drejt Izraelit dhe Libanit. Shumë nga kompani kanë vendosur afate deri në 6 gusht, kurse disa të tjera deri në 12 gusht

Linjat ajrore pezullojnë fluturimet në Izrael dhe Liban

Foto ilustruese

Linjat ajrore nga SHBA-ja, Evropa dhe Azia kanë pezulluar fluturimet drejt Izraelit dhe Libanit, duke përmendur shqetësimet e sigurisë pas zhvillimeve të fundit në Lindjen e Mesme. Vendimi vjen pas vrasjes në Teheran të shefit politik të Hamasit, Ismail Haniyeh. Hakmarrja e pritshme nga Irani kundër Izraelit ka rritur rreziqet e sigurisë, duke ndikuar në operacionet e linjave ajrore.

‘United Airlines’, e cila realizon 14 fluturime javore midis Neë Yorkut dhe Izraelit, ka pezulluar fluturimet drejt Izraelit deri më 6 gusht. Edhe kompani të tjera gjithashtu pezulluan fluturimet e tyre drejt Izraelit. Ndërkohë janë pezulluar fluturimet midis Cyrihut dhe Tel Avivit të paktën deri më 8 gusht, duke përmendur sigurinë e ekuipazhit dhe pasagjerëve.

Gjithashtu pezullimi i fluturimeve Cyrih-Tel Aviv, që fillimisht do të përfundonte më 29 korrik, është zgjatur deri më 12 gusht. Po ashtu edhe linja ajrore gjermane njoftoi se ka pezulluar fluturimet drejt Bejrutit dhe Tel Avivit përkatësisht deri më 8 dhe 12 gusht. 

Linja ajrore tha se do të monitorojë situatën në terren për të përcaktuar se kur mund të rifillojnë fluturimet. Edhe nga India ka ndodhur e njëjta gjë.  Transportuesi i flamurit të Italisë, njoftoi se fluturimet drejt dhe nga Tel Avivi janë pezulluar deri më 6 gusht për shkak të “zhvillimeve gjeopolitike në Lindjen e Mesme dhe për të garantuar sigurinë e pasagjerëve dhe ekuipazheve të saj”. Kompani fluturimi nga Polonia, gjithashtu janë detyruar të marrin këtë vendim.

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi