Liria e grave në Manbij, humbja
më thumbuese për terroristët e ISIS

Një grua e mbuluar që tymos cigare, me një buzëqeshje në fytyrë dhe me dy gishtat e ngritur nuk është një pamje që mund të haset shpesh. Por kjo është mënyra sesi kjo grua dhe të tjera gra të qytetit Manbij kanë vendosur të festojnë çlirimin e tij.
 
Kjo është vetëm një nga aktet e para të lirisë, pasi gratë kanë guxuar të shkojnë edhe më tej duke djegur burkat ndërsa burrat kanë rruajtur mjekrën. Në qytet ka shpërthyer gëzimi që sjell kryerja e veprimeve deri në atë moment rreptësisht të ndaluara.
 
Sjelljet e këtyre grave të pushtuara nga ndjenja e lirisë më shumë se ndaj gjithkujt janë një goditje e madhe për xhihadistët të cilët janë shprehur hapur kundër sjelljeve të tilla të grave.



Redaksia Online
Al.N/Shqiptarja.com