Në Ditën Botërore të Lirisë së Shtypit ambasada e SHBA-së në Tiranë thekson se kjo datë duhet të shërbejë si një kujtesë për qeveritë dhe politikanët që të bëjnë punën e tyre për të forcuar lirinë e fjalës. Gjithashtu ambasada thotë se kjo duhet të jetë një ditë reflektimi për profesionistët.
"Dita Botërore e Lirisë së Shtypit shërben si një kujtesë për qeveritë dhe politikanët që të bëjnë punën e tyre për të forcuar lirinë e fjalës. Është gjithashtu edhe një ditë reflektimi për profesionistët në media mbi çështjet e lirisë së shtypit, etikës profesionale dhe integritetit. Në të njëjtën kohë, Dita Botërore e Lirisë së Shtypit është një ditë për të mbështetur mediat dhe gazetarët që janë shënjestra të censurës, kërcënimeve dhe dhunës".
Sot u prezantuan në ambientet e Fakultetit të Historisë dhe Filologjisë, gjetjet e studimit “Panoramën e Medias në Shqipëri”. Ambasada deklaron se ky Studim mbi Profesionistët e Medias, nënvizon disa çështje të rëndësishme dhe probleme të medies në Shqipëri.
Në fjalën e tij, Brian Beckman, Shef i Zyrës së Marrëdhënieve me Publikun pranë Ambasadës së Shteteve të Bashkuara të Amerikës në Shqipëri, nënvizoi se “Shtetet e Bashkuara e vlerësojnë lirinë e shtypit si përbërës kyç të qeverisjes Demokratike. Shoqëritë demokratike nuk janë të pagabueshme, por ato japin llogari dhe shkëmbimi i ideve qëndron në themel të qeverisjes që jep llogari.
Media promovon debat aktiv, ofron raportim investigative, si dhe shërben si forum për të shprehur pikëpamje të ndryshme, sidomos në emër të atyre që janë të margjinalizuar në shoqëri.” Me tej Beckman u shpreh “Sot, në Ditën e Lirisë së Shtypit, ju sfidoj të kërkoni dhe tregoni të vërtetën. Mund t’i jepni formë të ardhmes së Shqipërisë. Nëse zgjidhni të flisni të vërtetën, ne të na keni në krah.”
"Raporti “Panorama e Medias në Shqipëri” ofron një kuptim më të mirë të panoramës së medias në Shqipëri, politikave kombëtare të mediave, kuadrit ligjor dhe autoritetit rregullator. Një vëmendje e veçantë i është kushtuar eksplorimit të mjedisit mediatik në përgjithësi, si dhe sfidat me të cilat përballen profesionistët e medias sot, përfshirë: pavarësinë editoriale; ndikimin e politikës dhe biznesit në linjën editoriale të gazetarëve; sigurinë e vendit të punës për punonjësit e medias; trajtimin dhe vërtetësinë e lajmeve; dhe profesionalizmin e gazetarëve dhe lirisë së mediave në Shqipëri në veçanti" thuhet në njoftimin në faqen e ambasadës.
Si më poshtë renditen 3 prej gjetjeve më kryesore të hulumtimit:
Rreth 17% e profesionistëve të medias deklarojnë se nuk kanë një kontratë pune ose marrëveshje punësimi me median ku punojnë. Kjo shifër shkon deri në 31% (pa një kontratë) kur fokusohesh te të anketuarit e punësuar në mediat jashtë Tiranës. Edhe mes atyre që deklarojnë se kanë një kontratë, rreth 30% e tyre thonë se nuk ndihen "të mbrojtur" nga kontrata e tyre.
Vetë-censura është shumë e zakonshme në mesin e profesionistëve të mediave shqiptare. Të anketuarit mendojnë se ose "pothuajse të gjithë mediat censurojnë vetveten" (41%) ose se "disa media vetë-censurohen" (36%). Lajmet “pezullohen” ose “shtyhen” për shkak të: i) presionit të qeverisë, ii) presionit të partive politike dhe iii) presionit të biznesit.
Rezultate alarmuese vërehen kur të anketuarit pyeten nëse ata mendojnë se "gazetarët abuzohen verbalisht ose psikologjikisht kur kryejnë detyrën e tyre”. Kombinuar, shumica dërrmuese mendon se gazetarët abuzohen verbalisht apo psikologjikisht ‘deri diku” (66%), apo ‘plotësisht’ (19%). Për më tepër, rreth 1 në 3 të anketuar deklaron se ai / ajo vetë është kërcënuar verbalisht apo fizikisht gjatë kryerjes së punës së tyre.
Ky është studim i parë i realizuar në Shqipëri i cili krijon një diagnozë të detajuar të klimës mediatike në vend. Pjesë e këtij studimi kanë qënë mbi 800 profesionistë të medias nga të gjitha tipologjitë e gazetarise.
Lajme të tjera
-
Progres-Raporti i BE/ Ina Zhupa: Situata e lirisë së medias është përkeqësuar, propozimet tona janë rrëzuar nga mazhoranca! Të mos injorohen rekomandimet
1 Nëntor, 13:47 -
Jorida Tabaku: Të luftojmë që askush të mos ketë forcën për t’i kërcënuar mediat
14 Tetor, 18:26 -
Carlo Bollino: Liria e shtypit në Shqipëri, e tradhtuar dhe e dhunuar nga ata që duhet ta mbrojnë
9 Maj, 10:57
-
Liria e medias/ Zëdhënësi i Berishës gjen ‘fajtorin’ për raportin pozitiv të 'Reporterët pa Kufij': Kam dijeni për një lobim të Ramës
4 Maj 2023, 13:14 -
Fjala e lirë e shtypit ende tabu, ja momenti kur gazetari Valon Syla dhunohet me grushte në Kosovë! Sapo kishte dalë nga studioja
13 Prill 2023, 08:51 -
Dy konkluzione nga Raporti i DASH
21 Mars 2023, 15:32
-
Raporti i DASH, një lexim i fakteve përtej dizinformimit nga opozita
21 Mars 2023, 12:47
-
Irani propozon planin e ri për ndëshkim, masa të ashpra për mediat që shkruajnë lajme të rreme
21 Dhjetor 2022, 10:59 -
VIDEO/ Liria e shtypit sipas Sali Berishës?! Kërcënon hapur pronarin e medias në Tiranë: Kujdes me linjën editoriale se do kesh pasoja serioze
2 Dhjetor 2022, 21:01 -
Organizatat për Sigurinë e Gazetarëve: Pronarët që përdorin mediat e tyre për interesa financiare minuan besimin e publikut dhe punën e gazetarëve
18 Nëntor 2022, 16:27 -
Ilir Yzeiri: Zëri i Amerikës, zëri i së vërtetës apo zëri i ‘Foltores’
3 Nëntor 2022, 11:15
-
Rama: Disa media po dizinformojnë qytetarët! Duan favore të paligjshme! Lajmi për rritjen e çmimit të energjisë në 1 nëntor, dyfish i rremë
30 Tetor 2022, 14:27
