FRANCE - Një familje franceze prej shtatë anëtarësh, e rrëmbyer më 19 shkurt në Kamerun është liruar dhe është e sigurt.

Lajmin e bëjnë të ditur mediat franceze, të cilat citojnë Ministrin e Komunikacionit Issa Tchiroma Bakary, që ka thënë se “ata janë shëndoshë e mirë”.

Në deklaratën nga presidenca franceze thuhet se familja tani ndodhet në ambasadën franceze në kryeqytetin e Kamerunit, Yaounde dhe do të nisen së shpejti për në Francë.

Tre të rriturit dhe katër fëmijët u rrëmbyen gjatë pushimeve në Parkun Natyror Ëaza në pjesën veriore të shtetit afrikan duke alarmuar autoritetet franceze dhe duke i detyruar ato të lajmëronin të gjithë shtetasit francezë, që të largoheshin nga vendi.

Në një video të publikuar në YouTube, militantët e grupit nigerian Boko Haram kanë marrë përgjegjësinë për pengmarrjen.

Organizata terroriste e Boko Haram-it, me qendër në Nigeri dhe e konsideruar si një filial i Al-Qaedes, ka kërcënuar “luftë të shenjtë” me Francën, pas ndërhyrjes ushtarake të saj në Mali në fllim të janarit.

(ad.ti/l.ç/shqiptarja.com)