Lirohet nga detyra Erion Isai

Erion Isai, pasi ka shpallur kandidaturën për kryebashkiak i Kolonjës në zgjedhjet që do të mbahen në 30 qershor, nën siglën e Partisë Socialiste, i është dashur të heqë dorë nga posti i drejtorit të Teatrit të Kukullave. Ai është liruar nga detyra me një vendim të Këshillit të Ministrave.

'Në mbështetje të nenit 100 të Kushtetutës dhe të pikës 4, të nenit 9, të ligjit nr.10352, datë 18.11.2010, 'Për artin dhe kulturën', të ndryshuar, me propozimin e ministrit të Kulturës, Këshilli i Ministrave

 V E N D O S I:

Erion Isai, Drejtor i Qendrës Kombëtare tё Kulturës pёr Fëmijë dhe Teatrit tё Kukullave, të lirohet nga kjo detyrë.

Ky vendim hyn në fuqi menjëherë', thuhet në vendimin e Këshillit të Ministrave/ Përgatiti Dhurata Hamzai.

TAG:
• erjon isai
• Erion Isaj