Listat, kreu i PD Gjirokastër
“presion” Bashës me Lazaratin

Në Partinë Demokratike janë ta hapura listat për kandidatët e 25 qershorit ndaj pretendimet janë të shumta.
 
Ndërsa Basha ka vendosur që ende të fitojë kohë deri në dorëzimin e listave përfundimtare, kandidatët s’duan të presin.

Kreu i Partisë Demokarike të Gjirokastrës, Roland Bejko duket se ka zgjedhur që përmes një portali lokal të presionojë Bashën.
 
Në shkrim thuhet se mosfutja e tij në listë do të ndikojë direkt në votat e Lazaratit të cilat janë mbi 2 mijë në favor të PD.
 
“Brenda 48 orëve Partia Demokratike do të zyrtarizojë listën e kandidatëve për deputetë në 12 qarqet e vendit. Një prej dilemave të kryetarit Lulzim Basha është vendosja apo jo në lista e kryetarëve të PD-së nëpër rrethe.
 
Sa i përket qarkut Gjirokastër, kreu i PD Roland Bejko pretendon të jetë pjesë e listës së kandidatëve.
 
Në mos të kryesojë listën, së paku të jetë i dyti në radhë, ndonëse PD ka pak shanse të fitojë dy mandate në këtë qark. Por lënia e tij jashtë listës dhe zëvendësimi me ndonjë emër tjetër nga radhët e klanit të Genc Rulit, mund të shkaktonte jo pak probleme duke ditur influencën e tij në Lazarat. Ky i fundit i jep PD-së mbi 2 mijë vota neto pasi njihet historikisht si një bastion i të djathtës.
 
Por deri më tani nuk dihet ende çfarë vendimi do të marrë Lulzim Basha dhe sigurisht Sali Berisha, ndikimi i të cilit është ende i madh brenda PD-së. Dy ditë më parë ishte në Gjirokastër deputeti Gent Strazimiri, i cili është dërguar prej Bashës për të filtruar propozimet e bazës së PD-së për kandidatë për deputetë.
 
Deri më tani emrat e përfolur si kandidatë të mundshëm janë: Altin Çomo, Ylli Asllani, Kosta Barka, Theodhoraq Vangjeli, Esheref Shehu, Mimoza Çomo, Eni Çobani etj”, thuhet në shkrimin e portalit pranë Bejkos”, thuhet në shkrim.

Redaksia Online
Al.N/Shqiptarja.com

TAG:
• lazarat