Superliga shqiptare ka mbyllur dy ndeshjet e para të javës së shtatë, që morën start në 15:00 këtë të premte. Në "Selman Stërmasi", Tirana dhe Laçi kanë barazuar 3-3 në një ndeshje që dhuroi emocione, përmbysje dhe gola spektakolarë. Tripleta e Xhixhës nuk vlejti për skuadrën e Shehit, që u dorëzua në fund nga një gol fantastik nga 35 metra i Mazrekaj.

Kosovari i kurbinasve kaloi Laçin në avantazh pas 22 minutave, ndërsa Xhixha pas 60 sekondave vendosi ekuilibrat dhe më pas në të 37 shënoi golin e dytë. Në 45 minutat e dyta Xhixha gjeti epërsinë për Tiranën, për t'u barzuar më pas nga Mazrekaj në fundin e ndeshjes (89').

Pas pesë humbjeve radhazi, Laçi del nga "tuneli" dhe merr një pikë me kampionët në fuqi, duke shkuar në kuotën e 4 të tillave për vendin e parafundit. Ndërkohë Tirana me 12 pikë merr kreun, duke pasur pikë të barabarta me Erzenin dhe Partizanin. Demat kanë një ndeshje më pak, kundër Vllaznisë sot në 17:45 në "Loro Boriçi". Në ndeshjen tjetër të orës 15:00, Erzeni dhe Egnatia barazuan 0-0 në "Niko Dovana".

VIDEO:

15:00 / Tirana 3-3 Laçi (Xhixha 23', 37', 74' / Mazrekaj 21', 87', Borysiuk 63')

87' Mazrekaj barazon shifrat në 3-3. Krosimi - gjuajtje nga 35 metra nuk devijohet nga askush, duke përfunduar në rrjetën e Bekaj.

74' Xhixha nuk ndalet, shënon të tretin te Tirana. Tripletë nga sulmuesi.

63' Borysiuk vendos barazimin nga pika e bardhë e penalltisë. 

 

37' Xhixha nga jashtë zone përmbys Laçin, 2-1 ndeshja.

23' Xhixha vendos ekuilibrat pas një aksioni të bukur.

21' Mazrekaj kalon në avantazh miqtë.

 

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera