U hodh mesditën e së premtes në Nyon të Zvicrës shorti për fazën e 1/8 në Europa League. 16 skuadrat në garë mësuan rivalët në fazën e radhës me eliminim direkt.
Goglat vendosën përballë Spartën e Pragës kundër Liverpool. Skuadra çeke ka në përbërje Indrit Tucin dhe Qazim Laçin, me lojtarët e Kombëtares që i dhanë suksesin të enjte kundër Gallatasaray me një gol dhe dy asiste.
Milani ka "peshkuar" Slavian e Pragës, skuadrën tjetër të kryeqytetit çek. Roma do luajë kundër Brighton, teksa spikat edhe dueli mes Qarabag dhe Bayer Leverkusen. Skuadra azere ku bën pjesë edhe Redon Xhixha luan për herë të parë në këtë raund dhe gjen përballë një emër si Leverkusen.
Berat Gjimshiti me Atalantën e tij do luajë kundër Sportingut të Lisbonës. Marseille pret Villarrealin në një duel franko-spanjoll.
Formati është i zakonshmi; ndeshje vajtje-ardhje, pa rregullin e golave në fushë kundërshtare. Në rast barazimi pas 180 minutash, do të zhvillohet koha shtesë. Nëse nuk mjaftojnë, do të gjuhen penalltitë.
Ndër rregullat e vendosur nga UEFA për këtë fazë është edhe se skuadrat nga një Federatë nuk mund të përballen mes tyre. Gjithashtu fituesit e grupeve i luajnë ndeshjet e kthimit në shtëpi.
Ndeshja e para të fazës së 1/8 do të luhen më 7 mars, ndërsa takimet e kthimit një javë më vonë, më 14 mars. Kujtojmë se finalja e Europa League luhet më 22 maj në kryeqytetin e Irlandës, Dublin, duke nisur nga ora 21:00.
Rezultatet e shortit:
Sparta e Pragës - Liverpool
Marseille - Villareal
AS Roma - Brighton
Benfica - Rangers
Freiburg - West Ham
Sporting Lisbonë - Atalanta
Milan - Slavia e Pragës
Qarabag - Bayer Leverkusen
Rezultatet e shortit
Sparta e Pragës mësoi se do përballet kundër Liverpool në 1/8 e Europa League. Pjesë e skuadrës çekë janë edhe Qazim Laçi dhe Indrit Tuci. Mesfushori i Kombëtares dhe sulmuesi i U-21 kuqezi ishin vendimtarë në kualifikimin e Spartës, duke shënuar dhe asistuar në fitoren 4-1 kundër Gallatasaray.
Në momentin e hedhjes së shortit, reagimet e stafit dhe lojtarëve ishin të ndryshme kur mësuan se do përballen me Liverpoolin. Indrit Tuci duket i qeshur, ndërsa Qazim Laçi filmon momentin.
Lajme të tjera
-
Pritet shkarkimi nga Milani! Stefano Pioli s'humbet kohë, gjen ekipin e ri në Serie A
26 Prill, 13:21 -
VIDEO/ 17 minuta të çuditshme, Roma fiton 1-2 kundër Udineses! Debutim i hidhur për Cannavaron
26 Prill, 09:54 -
GOLAT/ Everton mposht Liverpoolin pas 14 vitesh, Man. United fiton në shtëpi! Tri pikë për Palace dhe Bournemouth
25 Prill, 09:51 -
GOLAT/ Atalanta shkërmoq 4-1 Fiorentinën dhe gjen Juventusin në finalen e Kupës së Italisë! Gjimshiti më i miri në fushë
25 Prill, 09:26 -
Olivier Giroud largohet nga Milani, do jetë ylli i ri i MLS
24 Prill, 16:30 -
Liverpool gjen pasuesin e Klopp, nis bisedimet me Arne Slot
24 Prill, 12:50 -
Sylvinho ishte kundër, UEFA lejon trajnerët të marrin 26 lojtarë në Euro 2024
23 Prill, 14:38 -
VIDEO/ Bologna leksion Romës, e mund 1-3 në 'Olimpico' dhe tremb Juventusin! Motta: Krenar për këtë ekip
23 Prill, 12:54 -
Pjesë edhe Shqipëria, UEFA vendos 18 gjyqtarët për Euro 2024! Mes tyre një shqiptar
23 Prill, 11:42 -
Milan do shkarkojë Stefano Piolin
23 Prill, 10:06 -
Zyrtare/ Interi kampion i Italisë për herë të 20-të në histori, mposht 1-2 Milanin dhe feston në derbi për herë të 6 radhazi
22 Prill, 22:35 -
Sonte derbi i titullit, Inter për yllin e dytë dhe Milani për të shpëtuar nderin! Tifozët zikaltër ndezin 'Apianon'
22 Prill, 12:37
