POP 5

Lajmet më të lexuara të 5 minutave të fundit

Sport

VIDEO/ Bellingham është idhulli i ri i 'Galaktikëve', Real Madridi fiton 1-2 me përmbysje në El Clasico me Barcelonën dhe merr kreun e La Liga-s

Barcelona u mund 1-2 nga Real Madridi në El Clasico, me ndeshjen që vlente për javën e 11-të në La Ligan spanjolle të futbollit.

FT/ Barcelona 1-2 Real Madrid (Gundogan 6' / Bellingham 68', 90+2')

Barcelona u mund 1-2 nga Real Madridi në El Clasico, me ndeshjen që vlente për javën e 11-të në La Ligan spanjolle të futbollit. Kjo e shtunë vendosi përballë dy rivalët historikë spanjollë, teksa mbarë bota i kishte sytë në "Olimpikun" e Barcelonës.

Heroi i "Galaktikëve" ishte Jude Bellingham, që shënoi dopietë për miqtë në përmbysjen e madhe. Dueli nisi me golin e Gundogan në minutën e gjashtë, me Barçën që e mbylli në epërsi pjesën e parë.

Në pjesën e dytë Ancelotti bëri disa zëvendësime, teksa hedhja në fushë e Modric në vendin e Kroos ishte deçizive. Si pasojë e sulmeve, në minutën e 68 u shënua goli i barazimit.

Bellingham lëshoi një të djathtë potente nga jashtë zone, duke e ndalur pas krahëve të ter Stegen, për rezultatin 1-1. Duhej minuta e 90+2 që pas një asisti të Modric dhe fatit të Bellingham, ky i fundit të dilte përballë portierit dhe mos gabonte për golin e përmbysjes së madhe 1-2.

Pas javës së 11-të, Real Madrid merr kreun e La Liga me 28 pikë, njëjtë sa Girona e vendit të dytë. Barcelona me 24 pikë mban vendin e tretë.

Formacionet zyrtare:

Barcelona: Ter Stegen, Balde, Martinez, Christensen, Araujo, Gundogan, Gabi, Lopez, Joao Felix, Torres dhe Cancelo.

Real Madrid: Arrizabalaga, Mendy, Alaba, Rudiger, Carvajal, Tchouameni, Kroos, Bellingham, Valverde, Vinicius dhe Rodrygo.

VIDEO:

Goli i dytë nga Bellingham:

Goli i parë nga Bellingham:

Goli i Gundogan:

Rendit zhvillimet sipas orarit:
Ora 21:29
Disfata në El Clasico, Xavi: Edhe një barazim do të ishte i padrejtë, e lëre më një humbje


Humbja 1-2 me përmbysje nga Real Madridi ishte një rezultat i padrejtë, të paktën kështu thotë trajneri i Barcelonës, Xavi Hernandez. El Clasico u fitua nga "Galaktikët", që morën tri pikë me peshë për vendin e parë në La Liga.

Sipas Xavit edhe barazimi duhej evituar, pale më pas humbja e shkaktuar me përmbysje nga dopieta e Bellingham.

"Unë nuk mendoj se as barazimi do të ishte i përshtatshëm për atë që pamë në fushë. Luajtëm ashtu siç duhej për të fituar, por në fund humbëm. Rezultati është shumë i keq edhe pse bëmë një lojë të mirë. Qëllimi ynë është për të fituar kampionatin dhe kjo betejë vazhdon", tha Xavi.

Më pas ish-kapiteni tha se Reali krijon shumë dhe finalizon me sukses aksionet.

"Ne dominuam gjashtëdhjetë minutat e para të lojës, por kur nuk shënoni gol për 2-0, do të vuani pasojat. Ne na duhen pesë ose gjashtë raste për të shënuar dhe Real Madridit i duhen dy ose dy e gjysmë, nga të cilët do të shënojnë tre gola", shtoi Xavi.

S.Dh/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Shenjat që kanë më shumë gjasa të fillojnë një zënkë në tryezën e festave

Shenjat që kanë më shumë gjasa të fillojnë një zënkë në tryezën e festave

27 Dhjetor, 22:58