Liz Cheney synon të kandidojë për Republikanët në vend të Trump: Do të bëj gjithçka që ai të mbetet jashtë Shtëpisë së Bardhë

Liz Cheney synon të kandidojë për Republikanët në vend të Trump: Do të bëj gjithçka që ai të mbetet jashtë Shtëpisë së Bardhë

Liz Cheney

Përfaqësuesja republikane në SHBA, Liz Cheney u zotua se do të bëjë gjithçka që mundet për të mbajtur Donald Trumpin jashtë Shtëpisë së Bardhë, dhe tha se do të vendoste në muajt e ardhshëm nëse do të kandidojë vetë për presidente, pasi humbi gjatë një sfide me kundërshtare mbështetësen e Trumpit.

Humbja e Cheney, nga Harriet Hageman, e mbështetur nga Trump, shënon një fitore të rëndësishme për ish-presidentin në fushatën e tij për të rrëzuar republikanët që e fajësuan për sulmin në Kapitol Hill.

Cheney, një kritike e ashpër e Trump, ka luajtur një rol të rëndësishëm në hetimin e Kongresit për sulmin e 6 janarit në Kapitol.

Cheney tha në emisionin "Today" të NBC të mërkurën se "do të bëjë gjithçka që është e nevojshme për të mbajtur Donald Trumpin jashtë Zyrës Ovale" dhe se po mendonte të kandidonte për presidente.

"Jam duke e menduar dhe do të marr një vendim në muajt e ardhshëm," tha ajo për "Today", duke shtuar se i ka mbetur shumë punë për të bërë akoma me komitetin që po heton sulmin e 6 janari.

"Unë besoj se Donald Trump vazhdon të përbëjë kërcënim dhe rrezik shumë të rëndë për republikën tonë. Dhe mendoj se mposhtja e tij do të kërkojë një front të gjerë dhe të bashkuar të republikanëve, demokratëve dhe të pavarurve. Dhe kjo është ajo që unë synoj”, tha Cheney.

Cheney, në Dhomën e Përfaqësuesve, votoi për shkarkimin e Trump me akuzën se ka nxitur trazirat e Kapitolit. Trump u shpall i pafajshëm përfundimisht.

Nga 10 republikanët që mbështetën shkarkimin, është e mundur që vetëm një - Dan Newhouse i Uashingtonit - të jetë në Kongres pas zgjedhjeve të nëntorit.

D.GJ/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Gërdeci dhe privatizimi i ish-kompleksit Partizani nën hetim, a besoni se SPAK do të bëjë drejtësi?



×

Lajmi i fundit

Banorët e Vaut të Dejës në protestë: Të pastrohet përroi, u përmbytëm para dy javësh dhe rrezikohemi sërish

Banorët e Vaut të Dejës në protestë: Të pastrohet përroi, u përmbytëm para dy javësh dhe rrezikohemi sërish