Masakra në Tiranë, PD: Vrasja, prej imunitetit që i dha Rama Xhuvanit
Prokuroria: Xhuvani vrau 4 vetë në lokal nate, e ndihmoi shoku
Sipas kryeprokurorit shkak për konfliktin mes Xhuvanit dhe dy prej viktimave është bërë një dozë drogë, që këta të fundit refuzuan t’ia jepnin.
Le të flasim për ngjarjen e ditës së martë, ku humbën jetën 4 vetë dhe i dyshuari kryesor është Kostandin Xhuvani, djali i deputetes Xhuvani, si dhe i përshirë djali i një kolegut tuaj. Çfarë mund të na thoni për dinamikën e ngjarjes?
Ishte një ngjarje e rëndë. Që në momentet e para të ngjarjes janë shoqëruar të dyshuarit. Në aspektin personal ndjej dhimbjen më të thellë për familjarët e viktimave, ndërsa nga ai profesional siguroj familjarët dhe gjithë shtetasit se Prokuroria në bashkëpunim me Policinë po kryen të gjitha veprimet hetimore për të vënë para drejtësisë përgjegjësit.
Në aktpadinë që do të dorëzoni nesër në gjykatë, masa që do të kërkoni do të jetë ‘burg pa afat’?
Po.
Prokuroria dukej se nuk kishte asnjë dyshim se kush ishte autori i ngjarjes...
Nuk kemi asnjë dyshim se autori përgjegjës është shtetasi Kostandin Xhuvani, sepse e kanë vërtetuar të gjitha veprimet hetimore që janë kryer pas arrestimit.
I akuzuari ka kërcënuar për të vrarë edhe policët që e kanë ndaluar?
Po.
Është provuar se i dyshuari ka marrë armën dhe ka qëlluar 4 persona?
Ai ka qëlluar dy persona. Nga të dhënat e hetimit rezulton se dy të tjerët kanë vdekur në mënyrë aksidentale.
Thuhet se ka pasur edhe një armë tjetër...
Ka dyshime.
Po lajtmotivi i ngjarjes?
Debatet kanë lindur pasi i akuzuari u ka kërkuar drogë dy personave dhe më pas konflikti është përshkallëzuar.
Po viktimat kishin preçedentë penalë?
Nuk kemi një informacion që të tregojë se kishin.
Ky person dy vite më parë kreu një tjetër vrasje dhe u dënua lehtë. Ai kreu 9 muaj burg. Si ka mundësi që një individ i tillë u la i lirë kaq shpejt?
Është një çështje që ka kaluar të gjitha fazat e hetimit dhe të gjitha shkallët e gjyqësorit dhe është marrë ai vendim.
Opozita ka ngritur akuza për lrimin e tij ndërsa thuhet se ai ka qenë i përfshirë në një ngjarje në Gjirokastër, ndërkohë që pretendohet se ka qenë edhe në një spital mendor...
Në qytetin e Gjirokastrës ka pasur konflikt mes të rinjsh dhe personi i dyshuar ka qëlluar me armë në ajër. I dyshuari ka qenë shtetasi Kostandin Xhuvani. Nuk është bërë e mundur kryerja e veprimeve të mëtejshme hetimore sepse ky shtetas nuk ndodhej më në Gjirokastër dhe më vonë doli se ai nuk kishte qenë fare atje, pasi ndodhej në një spital psikiatrie, bazuar edhe në dokumentat e këtij spitali në Elbasan. Është pyetur personeli mjekësor i këtij spitali dhe rezulton se ai ka qenë atje. Më pas janë bërë edhe verifikime në Gjirokastër ku dëshmitarët kanë thënë se nuk kishte qenë ai në konfliktin e armatosur.
Zoti Llalla, flasim pak për kriminalitetin, në ç’situatë ndodhet Shqipëria? A funksionojnë marrëdhëniet ndërinstitucionale?
Kemi bashkëpunim korrekt me të gjitha isntitucionet e tjera, deytë të cilën e kryejmë në respket të detyrimeve tona ligjore. Probleme me kriminaliteitn ka. Synojmë të përmbushim detyrën tonë. Ngjarje do të ndodhin, e rëndësishme është që organet e drejtëisë të zbulojnë autorët.
Ka bashkëpunim mes Prokurorisë dhe Policisë?
Ka bashkëpunim konstruktiv. Prokuroria ka takime periodike me Policinë, ku diskutohen hetimet për çështje të caktuara dhe organizimin.
Kalojmë në të shkuarën, sepse ka patur aludime se shumë prej aksioneve dekonspiroheshin nga policia. A ka ndryshuar gjë në këtë 1 vit e ca?
Duhet të theksoj se ne kemi patur raste që persona të ngarkuar me hetimet i kanë dekonsipruar ato. Për të gjitha ato raste ligji përcakton përgjegjësinë për gjithësecilin.
A keni raste të tilla?
Kemi.
Dje kishit takim me kryeprokuriorin e Antimafias italiane. Ishte një takim kortezie, apo ka diçka konkrete?
Me prokurorinë italiane kemi bashkëpunimin më të frytëshëm. Kjo edhe për faktin që në Itali jeton një komuniteti i madh emigrantësh shqitparë, mes të cilëve ka elementë me precedentë kriminale, ashtu siç ka edhe italianë që ushtrojnë aktivitete kriminale në Shqipëri. Dje diskutuam për thellimin e bashkëpunimit kundër krimit të organizuar dhe pastrimin e produkteve të veprave penale. Prokuroria shqiptare ka nevojë të ketë struktura më të afta dhe Italia ka ofruar gjithë ndihmën e saj.
Ka raste konkrete?
Pa dyshim.
Sapo u kthyet nga Shtetet e Bashkuara ku patët takim me prokurorin e përgjithshëm Eric Holder. Zakonisht, kur zyrtarë të tillë ikin në SHBA thuhet gjithmonë se shkojnë për të marrë ca porosi për t’i zbatuar, çfarë do të ndryshojë kjo vizitë?
Kemi mbështetjen e vazhdueshme të SHBA dhe të strukturave të BE. Ishte një vizitë e suksesshme ku i rikonfirmua fakti që Shtetet e Bashkuara mbeten partneri ynë më i rëndësishëm për forcimin e shtetit ligjor. Gjatë këtyre diskutimeve u fol për çështje të ndryshme si krimin ekonomik, krimin e organizuar dhe terrorizmin që ka prekur edhe Shqipërinë.
Tek terrorizmi ndërkombëtar, më saktë ISIS, realisht sa e përfshirë është Shqipëria në furnizimin e terroristëve dhe në lfutën kundër tij?
Së pari, Shqipëria si anëtare e NATO-s ka përgjejgësitë e saj dhe ka detyrimet e saj për të mbështetur Aleancën në luftën kundër terrorizmit ndërkombëtar. Njëherazi, edhe legjislacioni shqiptar parashikon ndëshkimin e personave që ndihmojnë terrorizmin ose e ushtrojnë vetë atë. Kemi arrestuar një sërë personash.
Arrestuat edhe dy imamë, ku janë hetimet për këtë rast?
Hetimet ndaj këtyre personave janë drejt përfundimit dhe do të çohen në gjykatë. Pak raste janë sërish në hetim. Fakt është që në Shqipëri konstatohet një tkurrje e këtij fenomeni dhe një stepje për të mos iu bashkuar.
Të ndalemi tek personat e përfshirë për rekrutimin dhe financuesit. Të çfarë kategorie janë financuesit?
Biznesmenë.
Si ka qenë reagimi i kryeministrit për këto hetime, bashkëpunues?
Kryeministri shqiptar, si gjithë shoqëria shqiptare, ka mbështetur veprimet e drejtësisë dhe u ka bërë thirrje besimtarëve që të mos i bashkohen veprimeve që nuk janë as të natyrës fetare dhe qëllimeve tona kombëtare.
Në mos gaboj, në prag të vizitës së Papës në Tiranë pati një valë arrestimesh në Kosovë. Ditën që këta persona u arrestuan doli një njoftim që thoshte se ju kishit patur një takim me kryeprokurorin e Kosovës, a ka lidhje?
Me Prokurorinë e Kosovës kemi një marrëdhënie korrekte dhe institucionale, kryesisht shkëmbime informacionesh. Takimi im është bërë në kuadër pasi Hoxha është emëruar në këtë detyrë pak muaj me parë dhe ka qenë vizita për shkëmbim informacionesh.
Po thoni që fenomeni është në tkurrje, por atëherë pse ishte një shqetësim i madh për amerikanët?
Qeveria amerikane mbështet veprimtarinë e institucioneve tona në këtë drejtim.
A është Shqipëria e rrezikuar në të ardhmen e afërt nga sulmet terroriste? Ky është problemi që ka BE sot, konflikti mund të eksportohet prej nga vijnë luftëtarët?
Deri më tani nuk ka informacione të natyrës që Shqipëria ka qenë e rrezikuar nga sulme terroriste.
Disa kohë më parë, kryeministri Rama anuloi vizitën në Burrel për shkak të një kërcënimi për atentat me tritol. Vizita u anulua për arsye sigurie, pavarësisht se është thënë për arsye shëndetësore...
Prokuroria nuk ka nisur një hetim për diçka të tillë.
Krimi i organizuar është një prioritet. Si është Shqipëria në këtë sfidë?
Shqipëria përballet përditë me luftën kundër krimit të organizuar, një situatë që u diskutua edhe me kryeprokurorin italian. Gjatë këtyre viteve, individë që janë marrë me trafik lëndësh narkotike, prostitucion dhe veprimtari të tjera kriminale përpiqen t’i investojnë pasuritë në Shqipëri, duke përfituar edhe nga informaliteti i ekonomisë. Institucionet tona po punojnë në mënyrë intensive. Theksoj që në bashkëpunim me BE-në presim që shumë shpejt të vëmë në punë projektin mbi bazën e të cilit do të kemi të dhënat elektronike, që të kontrollojmë të dhënat në gjithë republikën nga zyra e Prokurorit të Përgjithshëm.
Opozita ka patur akuza konkrete ndaj disa prej përfaqësuesve të PS si të inkriminuar dhe të përfshirë në trafik droge dhe prositutcioni. A ka indicje për këto akuza?
Prokuroria vepron mbi bazën e provave dhe fakteve. Nëse një shtetas apo një institucion ka dyshime për përfshirjen e një individi në veprimtari kriminale, atëherë ka detyrimin ta referojë në Prokurori.
Në bazë të ligjit bëhet fjalë për një shtetas që është dënuar dhe është “pastruar”. A ka raste të tilla?
Ka raste të tilla.
Operacionet kundër drogës në Lazarat dhe Dukagjin ishin të suksesshëm, por ka patur edhe akuza për ndërhyrje politike në këtë aksion. Keni të dhëna për këtë?
Nëse do të kishim të dhëna të kësaj natyre do të kishim nisur hetimet. Nuk kemi patur një hetim.
Keni përmendur publikisht që asetet kriminale është sfida për prokurorinë. Shifrat janë të ulëta ndërkohë që ligji i famshëm Antimafia ekziston, pse këto rezultate të dobëta?
Nuk janë rezultate të dobëta. Prokuroria ka rritur numrin e sekuestrimit të pasurive të vëna nëpërmjet veprimtarive kriminale.
Keni thënë që prokuroria ka nevojë për logjistikë. A i ka ajo kapacitetet për t’u përballur me krimin e organizuar, apo është një betejë e humbur?
Klrimi i organizuar ka në dispozicion burime të shumta financiare dhe ka evoluar në kohë. Kjo sjell detyrimin që prokuroria të rrisë profesionalizmin e saj dhe teknologjinë për t’u përballur me këto sfida. Krahas mbështetjes së qeverisë, kemi patur mbështetje nga BE dhe partnerët amerikanë. Brenda janarit do të futemi në një proces monitorues.
Marrë nga "Top Channel"
Redaksia Online
(Shqiptarja.com)
Lajme të tjera
-
Gjirokastër/ 'Më jep paratë!" Kërcënoi me thikë dhe plagosi të moshuarën për ta grabitur, arrestohet 43-vjeçarja! Dyshohet se vuan nga probleme të shëndetit mendor
20 Nëntor, 15:33 -
Vrasja e specialit të RENEA Ibrahim Basha në Lazarat, Gjykata e Lartë rrëzon rekursin e Ruhan Hirajt! Anëtari i 'grupit të zjarrit' të vëllezërve Aliko i dënuar me 15 vite burg
9 Nëntor, 10:56
-
Gjirokastër/ Zjarr në tokat bujqësore të Lazaratit, dyshohet se zjarrvënësi është pronari i tokës
29 Gusht, 15:43 -
SKEDA/ Precedentët kur trafikantët e drogës kanë luftuar me Policinë! Nga Gate Mahmutaj dhe beteja në Lazarat, te plagosja e efektivëve
21 Gusht, 17:37 -
Gjirokastër, shfaqet sëmundja e antraksit, 3 të infektuar në Lazarat! Veterineri: Qytetarët të konsumojnë vetëm mishin me certifikatë shëndetësore veterinare
10 Gusht, 15:19
-
Aksident në Lazarat, makina përfundon në kanal! Në gjendje të rëndë drejtuesi
4 Gusht, 07:00 -
VIDEO/ Digjet banesa në Lazarat
22 Korrik, 22:34 -
Zjarr në një parcelë në Lazarat, shoqërohet në polici zjarrëvënësi
22 Korrik, 08:47 -
Gjirokastër/ Kultivonte cannabis sativa në oborrin e banesës, 1 në pranga
10 Korrik, 10:44 -
Zjarr në Lazarat, rrezikohen banesat! Flakët favorizohen nga era (VIDEO)
28 Qershor, 16:45 -
'Rikthehet' kanabisi në Lazarat, arrestohen babë e bir po kujdeseshin për bimët narkotike në oborrin e shtëpisë
16 Gusht 2023, 10:07 -
Merr flakë kabina elektrike në Lazarat, gjysma e fshatit pa energji elektrike
11 Dhjetor 2022, 09:42
