TIRANË- Në mesin e situatës së vështirë pas tërmetit të fuqishëm që goditi Shqipërinë me dhjetëra viktima, qytetarë të ndryshëm kanë përfituar duke hapur llogari fiktive në emër të kryeministrit Edi Rama, dhe duke mashtruar qytetarët të cilët kanë dhuruar vlera monetare për të prekurit nga tërmeti i së martës.
Në një konferencë për mediat nga Policia Shqiptare u bë e qartë se i vetmi kanal zyrtar për donacionet është e-Albania, Shqipëria dhuron.
"Policia e Shtetit është tërësisht e angazhuar në operacionet e kërkim-shpëtimit dhe në dhënien ndihmë të çdo qytetari në nevojë.
Krahas kësaj, Policia e Shtetit është duke punuar intensivisht për parandalimin, evidentimin dhe ndëshkimin e të gjithë personave, që me qëllim apo me papërgjegjshmëri po tentojnë të përfitojnë nga situata e krijuar. Policia e Shtetit, nëpërmjet strukturave të saj të specializuara kundër krimit kibernetik, në bashkëpunim me strukturat kundër krimit ekonomik dhe financiar gjatë ditës së sotme ka evidentuar dhe goditur një rast flagrant të përfitimit nëpërmjet solidaritetit mbarëpopullor për të ndihmuar familjet e prekura nga tërmeti.
Në këto momente, në Lezhë, është arrestuar në flagrancë shtetasi Arjan Meli, 30 vjeç, lindur dhe banues në Lezhë. Ky shtetas, nëpërmjet rrjetit social Facebook, ka hapur një llogari me emrin "Rilindje". Në këtë faqe, ky shtetas, ka postuar një status në emër të Kryeministrit, duke u bërë thirrje qytetarëve për solidarizim duke kontribuuar në vlera monetare në dy numra llogarie, të cilat ky shtetas i kishte publikuar në këtë status.
Theksojmë faktin se numrat e llogarisë ishin llogari private të këtij shtetasi dhe se gjatë kësaj kohe të shkurtër qytetarë të ndryshëm kanë rënë pre e këtij mashtrimi duke bërë derdhje shumash të ndryshme. Policia e Shtetit, në bashkëpunim me strukturat e tjera të Inteligjencës Financiare dhe të sistemit bankar kanë marrë masa për bllokimin e kësaj llogarie. Policia e Shtetit dënon çdo fenomen abuzimi në këto momente kritike për të gjithë dhe ju informon se nëpërmjet strukturave të specializuara të saj, si dhe në bashkëpunim me agjencitë e tjera ligjzbatuese është duke punuar intensivisht për kontrollin, monitorimin e vazhdueshëm të situatës, zbulimin dhe goditjen e çdo rasti të abuzimeve me këtë situatë të fatkeqësisë natyrore.
Ashtu siç është bërë e ditur vazhdimisht nga strukturat shtetërore, i vetmi kanal unik shtetëror për ofrimin e donacioneve apo ndihmave është nëpërmjet portalit e-albania/dhuro. Policia e Shtetit, duke shprehur solidaritetin e plotë me të gjitha familjet e dëmtuara, mbetet e angazhuar maksimalisht, në misionin e saj në shërbim të qytetarëve. Për çdo denoncim apo sinjalizim të çfarëdolloj abuzimi apo shkeljeje të ligjit, telefononi në numrin 112" njofton policia.
Komente
Lajme të tjera
-
Aksident në Lezhë, plagoset rëndë drejtuesi i motoçikletës! E përplasi 73-vjeçari me zetor (VIDEO)
17 Dhjetor, 15:45 -
Lezhë/ Hashash e thika në shkolla, shumë zhurmë pak denoncime! Drejtori i shkollës: Prindërit thonë 'pse na shqetëson!'
17 Dhjetor, 14:57 -
Rruga nacionale Rrëshen-Burrel e pakalueshme nga gropat dhe rrëshqitjet e tokës, nuk mirëmbahet nga ARRSH-ja! Kryebashkiaku: Kërkojmë investim nga Qeveria
17 Dhjetor, 14:41
-
Murtaja Afrikane e Derrave në Shëngjin, del nga karantina pas 21 ditësh zona e Malit të Rrencit! Ministria: Nga 25 nëntori s'ka asnjë rast të ri
16 Dhjetor, 15:31 -
‘Asnjë hap pas!’ Meloni-Opozitës: Gjadri do funksionojë, edhe nëse fle atje çdo natë! Marrëveshja e emigrantëve, ‘tmerri' i trafikantëve (VIDEO)
15 Dhjetor, 17:18 -
Krijohet Betlehemi në Lezhë, simboli i Krishtlindjeve vjen për herë të parë në këndin e festave
15 Dhjetor, 08:56
-
Pësoi arrest kardiak, humb jetën në spital i dënuari për dhunë në familje (EMRI)
13 Dhjetor, 22:11 -
Berisha me grupet e punës në Lezhë për zgjedhjet 2025: Çmime janë trefishuar dhe kanë tejkaluar Gjermaninë e Italinë, shpopullimi i vendit në 40%
11 Dhjetor, 16:05 -
Artistët e folkut mblidhen në Lezhë për Festivalin Folklorik Tipologjik të Rapsodeve dhe Instrumentisteve, marrim pjesë në garë 18 grupe
11 Dhjetor, 15:52
-
Lezhë/ I riu përplas me makinë 68-vjeçarin në rrugë, i moshuari dërgohet në spital! Policia shoqëron 19-vjeçarin
11 Dhjetor, 15:20 -
Përmbytet kopështi “Besëlidhja” më i madhi në Lezhë, fëmijët përcillen në shtëpi! Godina u rikonstruktua 5 vite më parë, kushtoi 50 milionë lek
11 Dhjetor, 08:42
-
Lezhë, dalin nga ngujimi fëmijët e familjeve që vuajnë plagën e gjakmarrjes
10 Dhjetor, 16:50
Dërrmojeni kete bajge lezhe!
PërgjigjuNuk ka nevojë që të ndërhyjë policia me agjentët e sajë ky është një problem fare i thjeshtë për tu zgjidhurbangat i kanë të gjitha llogaritë nën kontroll kujtllogari ihyjnë shuma lekësh në këtë periudhë ti vëri nën kontroll
PërgjigjuE hapet vet ju dhe e mbyllet gjoja me pretwndimin vjedhje po shteti ca te ardhurash ka ne dispozicion,ca aparaturash disponon se mesa pam dhe nje qen te stervitur e solli kosova shtet i lodhur keta politikanet bene ndonje donacion apo u quraviten neper tv.
PërgjigjuShteti Shqiptar (TaksapaguesitShqiptarë) pagoi mbi 200 mijë euro për qenë të stërvitur për raste emergjencas si ky i tërmetit , por.... qentë s'erdhën kurrë..ndërkohë që lekët u zhdukën.
Ca tani na ben si nene tereza ti arberi se une sthash ndonje gje kundra viktimave perkundrazi do doja shume qe te kishim sa me pak viktima. Hajduta e vertet ketu jane qeveritaret qe u can ne te vjedhur japin leje ndertimi per pallate kartoni vjedhin fonde si ka mundesi mo vlla vend i natos kaq i lodhur i pe ekipet shpetuese rumune italiane kosovare eshte per te vene duart ne koke
Shkruaje emrin dhe mos mbrojë kriminelin sepse është turp dhe mëkat ndaj viktimave.
Po qentë e Reneas i ke parë.Ulet shefi në kafe e i thotë qenit shko luaj stërvitur vet.